ꃀꑭ/ꒆ
2
1 ꀊꋨ/ꄮꇬ，ꆺꃥ/ꌺꇖ/ꊂꋊ/ꁦꋠ/ꑠ/ꂷ/ꋍ/ꆺꃥ/ꁯ/ꌠ/ꇬ/ꌋꅪ/ꂷ/ꋌ/ꒃ/ꌊ/ꑮꃀ/ꃅ。 2 ꊁꆏ，ꑮꃀ/ꂶꌠ/ꃴꑌ/ꇈ/ꌹ/ꍈ/ꒆ/ꀐ。ꀉꂿ/ꂶꌠ/ꉜꇬ/ꋍ/ꌺ/ꋋ/ꍈ/ꉥꑣꅍ/ꑠ/ꍈ/ꉬ。ꀉꂿ/ꂶꌠ/ꆹ/ꉞꏹ/ꊿ/ꀉꑳ/ꋋ/ꍈ/ꌉ/ꇁ/ꏦ/ꄉ，ꋍ/ꀉꑳ/ꍇꌠ/ꌘꁮ/ꆪ/ꋌ/ꇱ/ꂁ/ꇬꊎ/ꄉ。 3 ꊁꆏ/ꂁ/ꀋ/ꄐ/ꃅ/ꄉ，ꏜ/ꊮꇁ/ꂷ/ꋌ/ꎹꌊ/ꇓꋌ/ꑗꏷ/ꒉꈜ/ꑠ/ꈨ/ꋌ/ꄻ/ꉈ/ꏭ/ꌎ/ꄉ/ꇈ，ꀉꑳ/ꍇꌠ/ꋌ/ꄻ/ꊮꇁ/ꇬ/ꊐꄉ/ꇤ/ꆀꇊ/ꒊꃀ/ꒉꋮ/ꒉꀟꏜ/ꏪ/ꇬ/ꐕꄉ。 4 ꀉꑳ/ꋋ/ꍈ/ꅫꃀ/ꂶꌠ/ꆏ/ꀉꑳ/ꍇꌠ/ꈍꃅꐙ/ꁧ/ꀋ/ꐚ/ꀐꉂ/ꄉ，ꈍꎳꃅ/ꇢ/ꅉ/ꇬ/ꉆꄉ/ꉜ。5 ꀊꋨꇅꇬ，ꃰꃅ/ꀋꃋ/ꂷ/ꒊꃀ/ꇬꄉ/ꒈꋌ/ꇁ，ꋍ/ꁏꃀ/ꈧꌠ/ꑌ/ꒉꋮ/ꐺ。ꃰꃅ/ꀋꃋ/ꂶꌠ/ꆹ/ꋋꇅꃅ/ꊮꇁ/ꂷ/ꒉꀟꏜ/ꏪ/ꎍ/ꌠ/ꋌ/ꊌꂿ，ꄚꄉ/ꋍ/ꁏꃀ/ꂷ/ꋌ/ꇤꅷ/ꄌ/ꌊ/ꇁ/ꎻ。 6 ꃰꃅ/ꀋꃋ/ꂶꌠ/ꊮꇁ/ꂶꌠ/ꋌ/ꁉ/ꉚ/ꇬꆏ，ꀉꑳ/ꌹ/ꍈ/ꇬꀀ/ꅊꇈ。ꃰꃅ/ꀋꃋ/ꂶꌠ/ꀉꑳ/ꌺ/ꍇꌠ/ꑳꉨ/ꌠ/ꋌ/ꂿ/ꇈ，ꋍ/ꎭꃅꉈ/ꄉ：“ꀊꂻꎭ！ ꈍꃅꑌ/ꑝꀨꆾ/ꊿ/ꀉꑳ/ꍈ/ꉬ/ꀐ/ꌠꄹ” ꄷ/ꉉ。
7 ꀉꑳ/ꍇꌠ/ꅫꃀ/ꂶꌠ/ꆏ，ꇁꌊ/ꁨ/ꄉ/ꃰꃅ/ꀋꃋ/ꂶꌠ/ꏭ：“ꉢ/ꑝꀨꆾ/ꀋꃀ/ꂷ/ꇴꌊ/ꅽ/ꎁꃅ/ꀉꑳ/ꋋ/ꍈ/ꀉꆂ/ꄐ/ꇁꇬ/ꍑꀕ？” ꄷ/ꅲ。
8 ꃰꃅ/ꀋꃋ/ꂶꌠ/ꆏ：“ꍑꑴ” ꄷ， ꄚꄉ/ꑮꆜꌺ/ꍇꌠ/ꆏ/ꀉꑳ/ꀉꂿ/ꂶꌠ/ꋌ/ꇴꌊ/ꇁ/ꀐ。 9 ꃰꃅ/ꀋꃋ/ꂶꌠ/ꆏ/ꀋꃀ/ꂶꌠ/ꏭ：“ꍨ！ ꆏ/ꉠ/ꎁꃅ/ꀉꑳ/ꋋ/ꍈ/ꄌꌊ/ꉘ/ꒉ，ꉢ/ꀉꑳ/ꉗ/ꁌ/ꄻ/ꆏ/ꁳ/ꂿ” ꄷ。ꄚꄉ/ꀉꑳꌺ/ꋋ/ꍈ/ꀋꃀ/ꂶꌠ/ꇱ/ꄌꌊ/ꀨꎹ/ꁧ/ꀐ。
10 ꊁꆏ，ꀉꑳ/ꋋ/ꍈ/ꋍꑍꋍꉙꃅ/ꒆ/ꀉꒉ/ꀐ，ꄚꄉ/ꀋꃀ/ꂶꌠ/ꇱ/ꏃ/ꃰꃅ/ꀋꃋ/ꄷ/ꆹ/ꇈ，ꃰꃅ/ꀋꃋ/ꂶꌠ/ꌌ/ꋍ/ꌺ/ꃅꄉ/ꀨꎹ/ꀐ。ꃰꃅ/ꀋꃋ/ꂶꌠ/ꆏ：“ꀉꑳ/ꋋ/ꂷ/ꒉ/ꇬꄉ/ꉢ/ꈻ/ꎼꇁ/ꌠ/ꉥ，ꄻ/ꃀꑭ/ꂓꄉ” ꄷa。
ꃀꑭ/ꁈ/ꂰꄆ/ꃅꄷ/ꁧ
11 ꊁ/ꀉꑌ/ꈎ/ꐛ/ꈭꐨꆏ，ꃀꑭ/ꒆ/ꀉꒉ/ꀐ。ꋍꑍꆏ，ꋌ/ꅐꌊ/ꉈꏭ/ꋍ/ꊿꋅ/ꃺꑌ/ꈧꌠ/ꉜ/ꒉ；ꋀꊇ/ꌞꊿ/ꇱ/ꌌ/ꆼꍅꆹꆋ/ꄉ/ꑘꃅꃤꑽ/ꌠ/ꋌ/ꂿ。ꃀꑭ/ꆹ/ꋍ/ꊿꋅ/ꃺꑌ/ꑝꀨꆾ/ꊿ/ꑠ/ꂷ/ꉞꏹ/ꊾ/ꂷ/ꌌ/ꅥ/ꌠ/ꋌ/ꂿ。 12 ꃀꑭ/ꏮ/ꅶꍯ/ꉜ/ꇈ，ꊿ/ꀉꁁ/ꇬ/ꀋ/ꐺ/ꇬꆏ，ꉞꏹ/ꊿ/ꂶꌠ/ꋌ/ꌉ/ꇫꎭ/ꇈ，ꋌ/ꅤ/ꂩꏂꀠ/ꇬ/ꊐ/ꀐ。 13 ꊁ/ꄹꉇ/ꃀꑭ/ꁖ/ꉈꏭ/ꒈ/ꌦ/ꇬꆏ，ꑝꀨꆾ/ꊿ/ꑍ/ꂷ/ꐮꇤ/ꇫꐺ/ꅊꇈ，ꄚꄉ/ꃀꑭ/ꆏ/ꊿ/ꂴ/ꇇꋏ/ꂶꌠ/ꏭ：“ꆏ/ꑞꃅ/ꅽ/ꊿꋅ/ꃺꑌ/ꅥ/ꌠꉬ？” ꄷ/ꅲ。
14 ꊿ/ꀊꋨ/ꂷ/ꆏ/ꃀꑭ/ꏭ：“ꈀꄸꂷ/ꆎ/ꄻ/ꉪ/ꌌꁈ/ꃅꄉ/ꉪ/ꀞꇽ/ꇁ/ꎻ/ꌠꉬ？ ꆏ/ꉞꏹ/ꊿ/ꀊꋨ/ꂷ/ꌉ/ꌠ/ꌟꃅ/ꉢ/ꌉ/ꇀ/ꏢꉨ/ꅀ？” ꄷ。ꋋꇅ/ꇬꆏ，ꃀꑭ/ꃨꆰꏸꈧ/ꇁ/ꀐ，ꋍ/ꉌꂵ/ꇬꆏ/ꌤ/ꋌ/ꐘ/ꈍꃅꑌ/ꊿ/ꅉꐚ/ꀐ/ꉂꃅ/ꉪ。
15 ꌤ/ꋌ/ꐘ/ꉞꏹ/ꃰꃅ/ꂶꌠ/ꈨ/ꇈ，ꋌ/ꃀꑭ/ꌉ/ꏢꉨ，ꄚꄉ/ꃀꑭ/ꆹ/ꃰꃅ/ꂾ/ꁈꌊ/ꂰꄆ/ꃅꄷ/ꉜꄉ/ꁧ/ꇈ，ꀊꄶꇬ/ꀀ。
16 ꋍꑍꆏ，ꃀꑭ/ꇁꌊ/ꒉꇸꇈ/ꂷ/ꏢꁮ/ꑌ/ꇬꆏ，ꂰꄆ/ꃅꄷ/ꆦꑝꊿ/ꂶꌠ/ꀋꃋ/ꏃ/ꑹ/ꌠ/ꀊꄶꇬ/ꀆꐒ/ꇸ/ꇁ。ꀆꐒ/ꋀ/ꄝ/ꐛꃅ/ꇍꄳ/ꇬ/ꊐꄉ/ꄻ/ꋀ/ꀉꄉ/ꄰ/ꎆ/ꈧꌠ/ꄐ/ꂿꄷ。 17 ꎆꆫꊿ/ꀉꁁ/ꈨ/ꇁꌊ/ꀋꃋ/ꈧꌠ/ꋀ/ꇱ/ꈹ/ꇫꎭ，ꄚ/ꃀꑭ/ꆏ/ꄓꌊ/ꀋꃋ/ꈧꌠ/ꐋ/ꄉ/ꎆꆫꊿ/ꀊꋨ/ꈨ/ꋌ/ꈹ/ꇫꎭ/ꇈ，ꉈꑴ/ꋀ/ꇇꀤ/ꄉ/ꀆꐒ/ꄝ/ꋀ/ꎆ/ꄐ。
18 ꊁ/ꀋꃋ/ꈧꌠ/ꀱ/ꋀ/ꀉꄉ/ꑴꄯꇊ/ꄷ/ꑟ/ꇬꆏb，ꀉꄉ/ꂶꌠ/ꋀ/ꏭ：“ꆍꊇ/ꀃꑍ/ꑡ/ꃅ/ꑠꃅ/ꏛꃅ/ꈻꇁ/ꌠꉬ？” ꄷ/ꅲ。
19 ꋀꊇ/ꆏ/ꇬ/ꏭ：“ꉞꏹ/ꊾ/ꂷ/ꎆꆫꊿ/ꉪ/ꏭ/ꇁ/ꈧꌠ/ꇇ/ꈐ/ꄉ/ꉪꊇ/ꋌ/ꈭꋏ/ꎼꇁ，ꄷꀋꁧ/ꉪ/ꇇꀤ/ꄉ/ꀆꐒ/ꄝ/ꎆ/ꈧꌠ/ꄐ” ꄷ/ꅇꀱ。
20 ꀉꄉ/ꂶꌠ/ꆏ/ꀋꃋ/ꈧꌠ/ꏭ：“ꊿ/ꀊ/ꋨ/ꂷ/ꀋꃅ/ꇿꒉ/ꀐ？ ꆍꊇ/ꑞꃅ/ꋋ/ꇤ/ꇫꎭ/ꇈ/ꌠꉬ？ ꁨꒉ！ ꊿ/ꀊꋨ/ꂷ/ꇴꌊ/ꇬꁷ/ꇁ” ꄷ/ꉉ。
21 ꊁꆏ，ꃀꑭ/ꆹ/ꉌꃹꑓꐛ/ꃅꄉ/ꊿ/ꋋ/ꑷ/ꄰ/ꈽ/ꐥ/ꀐ； ꑴꄯꇊ/ꆏ/ꋍ/ꀋꃋ/ꑭꁈꇂ/ꂶꌠ/ꋌ/ꄻ/ꃀꑭ/ꁳ/ꑮꃀ/ꃅ/ꎻ/ꀐ。 22 ꑭꁈꇂ/ꌹ/ꍈ/ꒆ/ꇬꆏ，ꌺ/ꍇꌠ/ꃀꑭ/ꄻ/ꇱꎵ/ꂓ/ꄉ，ꃀꑭ/ꆏ：“ꉡ/ꆹ/ꌞꊿ/ꁠꀀ/ꌠ/ꉇꉻꊿ/ꑠ/ꂷ/ꉬ” ꄷc。