ꒀꌝ/ꃺꃶ/ꈧꌠ/ꀝꑷꂱ/ꋀ/ꏃ/ꉞꏹ/ꇁ
43
1 ꏦꇂ/ꃅꄷ/ꀊꋩ/ꈚ/ꇬ/ꃱꉩꄸꌋ/ꐤꅉꇧꅉꑟ/ꀐ。 2 ꊁꆏ，ꋚ/ꉞꏹ/ꄉ/ꋀ/ꃼꌊ/ꇁ/ꈧꌠ/ꑌ/ꋠ/ꌐ/ꀐ，ꄚꄉ，ꋀ/ꀉꄉ/ꂶꌠ/ꋀ/ꏭ：“ꆍꊇ/ꀱ/ꉈꑴ/ꄉ/ꋙ/ꍈ/ꃼꌊ/ꇀ/ꌦ” ꄷ。3 ꒀꄊ/ꆏ/ꇬ/ꏭ：“ꊿ/ꀊꋨ/ꂷ/ꊡꀱ/ꄉ/ꉪ/ꏭ/ꉉ/ꀐ，ꉪꊇ/ꉪ/ꀁꑳ/ꂶꌠ/ꏃ/ꀋ/ꇁ/ꑲꆏ，ꀁ/ꂿ/ꇁ/ꀋ/ꉆ/ꄷ。 4 ꀋꄸꄷ/ꆏ/ꉪ/ꀁꑳ/ꂶꌠ/ꄻ/ꉪ/ꐊ/ꁧ/ꎻ/ꑲꆏ，ꉪꊇ/ꅽ/ꎁꃅ/ꄉ/ꋚ/ꃼ/ꒉ/ꂿ； 5 ꋋ/ꄻ/ꉪ/ꐊ/ꁧ/ꆹ/ꀋꎽ/ꑲꆏ，ꉪꊇ/ꑌ/ꇬ/ꀋ/ꒉ，ꑞꃅꆏ，ꊿ/ꀊꋨ/ꂷ/ꉪ/ꏭ‘ꆍ/ꀁꑳ/ꂶꌠ/ꏃ/ꆍꊇ/ꐊ/ꀋꇁ/ꑲꆏ，ꉡ/ꂿ/ꇁ/ꀋꉆ’ꃅ/ꉉ/ꀐ” ꄷ。
6 ꑸꇱ/ꋀꊇ/ꏯ：“ꉢ/ꆍ/ꃅꅷ/ꉈꊰꑓꊰ/ꀐ。ꆍ/ꀁꑳ/ꂷ/ꐥ/ꑴꌦ/ꃅ/ꑠ/ꉉ/ꊿ/ꀊꋨ/ꂷ/ꇰ/ꑵ/ꉬꑴ/ꄿ？” ꄷ。
7 ꋀꊇ/ꆏ：“ꊿ/ꀊꋨ/ꂷ/ꑭꋧꃅ/ꉪ/ꏭ‘ꆍꊇ/ꀉꄉ/ꐤꀕ/ꑴꌦ？ ꀁꑳ/ꆹ/ꐤꀕ？’ꃅ/ꅲ/ꇬꎷ/ꄉ，ꉪꊇ/ꉉ/ꋋ/ꇰ/ꀐ。ꉪꊇ/ꆹ/ꋌ‘ꆍ/ꀁꑳ/ꂶꌠ/ꏃ/ꄚ/ꇁ’ꃅ/ꑠ/ꈨ/ꉉ/ꇁ/ꑵ/ꉬ/ꎻꈁ/ꅀ？” ꄷꉉ。
8 ꋍꈭꐨꆏ，ꒀꄊ/ꋍ/ꀉꄉ/ꏭ：“ꅽ/ꌻꑘ/ꂶꌠ/ꁳ/ꉪ/ꐊ/ꁧ/ꎻ/ꑲꆀ，ꉪꊇ/ꋋꇅꃅ/ꑭꄑ/ꄉ/ꀁꋌ/ꒉ/ꂿ，ꑠꃅ/ꑲꆏ，ꉪ/ꏤ/ꋋ/ꑭꊂ/ꀋꃀ/ꀉꑳ/ꈀꄸꑌ/ꂮꐚ/ꀋꌦ/ꀐ。 9 ꀋꏦ！ꉢ/ꉠ/ꀑꇬ/ꌊ/ꏚꄉ/ꂿ，ꑞ/ꌤ/ꅐ/ꄿꂿ，ꉢ/ꄽ/ꄹꌶ。ꀋꄸꄷ/ꉢ/ꋌ/ꏁ/ꌤꀋꐥꆿꀋꐥꃅ/ꀱ/ꀁꇬ/ꑟ/ꀋꇁ/ꑲꆏ，ꅑꃤꅺꃤ/ꈧꌠ/ꐩꋊꐩꍂ/ꃅ/ꉢꀵꉢꄜ/ꂿ。 10 ꉪꊇ/ꑠꃅ/ꄉꀋꇤ/ꑲꆏ，ꊁ/ꃢ/ꌠ/ꂯ/ꉪ/ꀱ/ꉈꑴ/ꑟ/ꇁ/ꀐ/ꍰ！” ꄷ。
11 ꋀ/ꀉꄉ/ꑸꇱ/ꆏ/ꋀ/ꏭ：“ꑠꃅ/ꀋꃅꀋꉆꌠ/ꆹ/ꉬ/ꑲꆏ，ꆍꊇ/ꄚꇬ/ꅐꇐ/ꈀꉾꀕ/ꑠ/ꌌ/ꁧ，ꅿꉗꌒꌠꌩꌅ、ꐚꒉ、ꅿꉗꌒꌠꇱꅍ、ꅿꉗꌒꌠꃀꒀꁬꋌ、ꌧꑳ/ꀉꏵ/ꌋꆀ/ꀉꁁ/ꂶꀕ/ꑠ/ꈨ/ꏓꏡ/ꁀꎿ/ꇬ/ꊐꄉ，ꌌ/ꈁꁠ/ꃅ/ꄻ/ꊿ/ꀊꋨ/ꂷ/ꁵ/ꁧ。 12 ꉈꑴ/ꐎꂷ/ꑌ/ꁦꎆ/ꋍꁧꃅ/ꌌ/ꁧ，ꑞꃅꆏ，ꂴ/ꃢ/ꌠ/ꐎꂷ/ꀱ/ꆍ/ꁀꎿ/ꇬ/ꀀ/ꇁ/ꈧꌠ/ꌌ/ꉈꑴ/ꊒ/ꁧ/ꄡꑟ，ꀊꋨ/ꑠ/ꆹ/ꉕꇅꉓꇅꃅ/ꊿ/ꎼ/ꆹ/ꑽ/ꌠꉬ/ꏭ/ꐛ。 13 ꆍ/ꀁꑳ/ꑌ/ꏃ/ꁨ/ꁧ/ꑲꆀ，ꉆꐥꃅ/ꊿ/ꀊꋨ/ꂷ/ꂿ/ꁧ。 14 ꀋꄐꅍꀋꐥꌠ/ꏃꃅꌋ/ꊿ/ꀊꋨ/ꂷ/ꁳ/ꆍ/ꎭꃅꉈ/ꄉ，ꑭꂴ/ꌋꆀ/ꀝꑷꂱ/ꑌ/ꐯꇯ/ꄝ/ꆍ/ꇯ/ꀱ/ꉈꑴ/ꇁ/ꎻ/ꅊꇈ。ꀋꄸꄷ/ꉠ/ꌺ/ꇯꆐ/ꄚꄉ/ꀑꇬ/ꁮ/ꄡꑟ/ꑲꆏ，ꇬ/ꀋꁮ/ꈍꃅ/ꑴꌦ/ꂯ” ꄷ。
15 ꄚꄉ，ꈁꁠ/ꈧꌠ/ꌋꆀ/ꐎꂷ/ꁦꎆ/ꋍꁧꃅ/ꋀ/ꄐꏤ/ꌊ/ꄉ/ꇈ，ꀝꑷꂱ/ꋀꊇ/ꏃ/ꁧ/ꀐ。ꊁ/ꆏ/ꇁ/ꉞꏹ/ꑟ/ꇈ，ꒀꌝ/ꂿ/ꆹ/ꀐ。 16 ꒀꌝ/ꆹ/ꀝꑷꂱ/ꋀꊇ/ꐊ/ꇁꌠ/ꋌ/ꂿ/ꇬꆏ，ꋍ/ꂱꈈ/ꂶꌠ/ꏭ：“ꆏ/ꊿ/ꋋ/ꈨ/ꏃ/ꉠ/ꀁꇬ/ꇁ/ꑲꆀ，ꉆꐥꃅ/ꎆ/ꌉꄉ/ꎦ/ꎸ/ꄐꏤ/ꒉ，ꀇꌐ/ꂵꆧ/ꋀꊇ/ꉢ/ꈽꄉ/ꋙ/ꋠ/ꌠꉬ” ꄷ/ꉉ。 17 ꂱꈈ/ꂶꌠ/ꒀꌝ/ꅇꃅ/ꄉ，ꊿ/ꈧꌠ/ꋌ/ꏃ/ꒀꌝ/ꄰ/ꑳ/ꈐꏭ/ꃹ/ꆹ。
18 ꋀꊇ/ꊿ/ꇱ/ꏃ/ꒀꌝ/ꑳ/ꇬ/ꃹ/ꇁ/ꇬꆏ，ꏸꏦ/ꌊꄉ/ꐮꏯ：“ꐎꂷ/ꀋꑍꂴ/ꃢ/ꌠ/ꀱ/ꉪ/ꁀꎿ/ꇬ/ꀀ/ꇁ/ꈧꌠ/ꒉꄸ/ꃅ/ꄉ，ꉪꊇ/ꊿ/ꏃ/ꄚ/ꇁ/ꌠꉬ/ꀐ。ꆽꀠ/ꀐ！ ꉪꊇ/ꈍꃅꑌ/ꋌ/ꒃꌊ/ꅥ/ꄉ，ꉪ/ꑾꃅꏷꀕ/ꈧꌠ/ꋌ/ꇑꌊ/ꁧ/ꇈ，ꄀꇗꇱ/ꄉ/ꉪ/ꋌ/ꌌ/ꋍ/ꁏꐚ/ꄻ/ꀐ/ꌠ/ꄹ” ꄷ。
19 ꑠꅹ，ꋀꊇ/ꀃꈈ/ꁭꑭ/ꑟ/ꄷ/ꌦ/ꆏ，ꇁ/ꒀꌝ/ꂱꈈ/ꂶꌠ/ꊫꄉ/ꅇꂷ/ꀒ/ꉉ/ꑟ， 20 ꋍ/ꏭ：“ꌌꁈ/ꀋ！ ꉪꊇ/ꀋꑍꂴ/ꋍ/ꃢ/ꄚꇬ/ꋚ/ꃼ/ꇁ/ꀐ， 21 ꄚ/ꊁ/ꀱꁧ/ꄮꇬ，ꈊꃀ/ꈝꃀ/ꇬ/ꈿ/ꇈ，ꁀꎿ/ꉪ/ꁉ/ꉚ/ꇬꆏ，ꐎꂷ/ꋙꁌ/ꈧꌠ/ꋋꌺꐙ/ꀱ/ꂱꑱ/ꁀꎿ/ꇬ/ꀀ/ꇁ/ꌐ/ꅊꇈ。ꐎꂷ/ꋋ/ꈨ/ꀋꃅ/ꉪꊇ/ꀱꌊ/ꉈꑴ/ꇁ/ꀐ。 22 ꉪꊇ/ꉈꑴ/ꐎꂷ/ꀉꁁ/ꇎꃅ/ꌌ/ꋚ/ꃼ/ꇁ/ꀐ。ꀋꑍꂴ/ꃢ/ꌠ/ꐎꂷ/ꈀꄸ/ꀱ/ꉪ/ꁀꎿ/ꇬ/ꊐ/ꎼ/ꁧꌠ/ꉪ/ꇫ/ꅉꀋꐚ” ꄷ。
23 ꂱꈈ/ꂶꌠ/ꆏ/ꋀ/ꏭ：“ꆍꊇ/ꐒꄻ/ꀋꅐ！ ꀋꏦ！ ꑽꀋꐥ！ ꐎꂷ/ꑠ/ꆹ/ꆍ/ꇬ/ꏭ/ꇗꅉꃅ、ꆍ/ꀉꄉ/ꑌ/ꇬ/ꏭ/ꇗꅉꃅ/ꌠ/ꏃꃅꌋ/ꄻ/ꆍ/ꁀꎿ/ꇬ/ꊐ/ꌠꉬ/ꀐ/ꌠ/ꄹ； ꆍ/ꐎꂷ/ꋙꁌ/ꈧꌠ/ꆹ/ꆍ/ꄻ/ꉢ/ꁳ/ꀐ” ꄷ。ꋍꈭꐨꆏ，ꑭꂴ/ꂶꌠ/ꋌ/ꏃ/ꇁ/ꇈ/ꏮ/ꋀ/ꇯ/ꀐ。
24 ꂱꈈ/ꂶꌠ/ꋀꊇ/ꋌ/ꏃ/ꒀꌝ/ꄰ/ꑳ/ꈐꏭ/ꑟ/ꇈ，ꀆꐒ/ꄝꌊ/ꋀ/ꁳ/ꏸꑭ/ꒈꋌ/ꎻ，ꉈꑴ/ꃅ/ꋚ/ꑌ/ꄻ/ꑾꃅꏷꀕ/ꈧꌠ/ꍈ。 25 ꋍꈭꐨꆏ，ꋀꊇ/ꒀꌝ/ꄰ/ꅍ/ꄉ/ꋙꋠ/ꃅ/ꑠ/ꋀ/ꊌ/ꈨ/ꀐ，ꄚꄉ，ꋀꊇ/ꆹ/ꈁꁠ/ꈧꌠ/ꋀ/ꄐꏤ/ꄉ，ꂵꆧ/ꒀꌝ/ꋙꋠ/ꇀ/ꄮꇬ/ꆏ/ꄻ/ꇬ/ꁳ/ꂿꉂ。 26 ꊁ/ꒀꌝ/ꀁꇬ/ꇀ/ꄮꇬ/ꆏ，ꋀꊇ/ꈁꁠ/ꈧꌠ/ꌌ/ꈐꏭ/ꄉ/ꋌ/ꁳ/ꆹ，ꇇꑭ/ꃃꇵꀕ/ꄉ/ꋍ/ꏭ/ꀍꃈꄚ。 27 ꒀꌝ/ꆏ/ꋀ/ꏭ/ꋬꂻ/ꄜ/ꇈ，ꉈꑴ/ꑠꃅ/ꅲ：“ꆍꊇ/ꀉꄉ/ꃀꌠ/ꑠꂷ/ꐥ/ꑴ/ꄷ/ꉉ/ꋺ，ꆍ/ꃀꌠ/ꂶꌠ/ꀋꃅ/ꒉꄚꇁꄿ/ꑴ/ꀞ？ ꋌ/ꇫꐥꀕ/ꑴꌦ？” ꄷ。
28 ꋀꊇ/ꑠꃅ/ꅇꀱ：“ꅽ/ꁏꐚ-/ꉪ/ꀉꄉ/ꂶꌠ/ꇫꐥ/ꑴꌦ，ꒉꄚꇁꄿ/ꑴ” ꄷ。ꋍꈭꐨꆏ，ꒀꌝ/ꂾ/ꄉ/ꉈꑴ/ꁡꊭꃄꇴꄂ/ꄉ/ꀍꃈꄚ/ꌦ。
29 ꒀꌝ/ꋍ/ꀁꑳ/ꀉꂿ/ꑍꅝꀠ/ꀝꑷꂱ/ꂶꌠ/ꋌ/ꂿ/ꇬꆏ，ꋀꊇ/ꏯ：“ꋋ/ꂷ/ꆹ/ꆍ/ꉉ/ꋺ/ꌠ/ꀁꑳ/ꀄꊭꇊꀄꊭ/ꂶꌠ/ꉬ/ꀐ/ꀞ？ ꀉꑳ/ꀋ！ ꏃꃅꌋ/ꋬꂻ/ꄻ/ꆏ/ꁳ/ꅊꇈ” ꄷ。 30 ꒀꌝ/ꆹ/ꋍ/ꀁꑳ/ꂶꌠ/ꋌ/ꂿ/ꇬꆏ，ꋍ/ꉌꐡꑓꇗ/ꇁ/ꄉ，ꑳꉨ/ꇬ/ꀋꇊ/ꅞ，ꄚꄉ/ꋋꇅꃅ/ꋀ/ꂾ/ꄉ/ꋌ/ꄓ/ꁧ/ꇈ，ꑳ/ꈐꏭ/ꁨꌠ/ꇬꄉ/ꋍ/ꃢ/ꑳꉨ/ꀐ。 31 ꊁꆏ，ꈁꑓ/ꒈꋌ/ꄉ/ꋌ/ꅐ/ꉈꏭ/ꇁ/ꇈ，ꑞ/ꑌ/ꋌ/ꋰ/ꋍ/ꇬꇉ/ꇬ/ꊐꄉ，ꊿ/ꈧꌠ/ꏭ/ꋙꅐ/ꌶ/ꄷ/ꉉ。 32 ꒀꌝ/ꊨꏦ/ꋍ/ꏢ/ꋠ，ꋍ/ꃺꃶ/ꀁꑳ/ꈧꌠ/ꐮꇷ/ꄉ/ꋠ，ꄚ/ꉞꏹ/ꊿ/ꈧꌠ/ꆏ/ꀉꁁ/ꐚꀕ/ꃅꄉ/ꋠ，ꑞꃅꆏ，ꉞꏹ/ꊿ/ꆹ/ꑝꀨꆾ/ꊿ/ꇭꅽ/ꄉ，ꋀ/ꇷꄉ/ꋚ/ꀋꋠ。 33 ꒀꌝ/ꆹ/ꋍ/ꃺꃶ/ꀁꑳ/ꈧꌠ/ꀉꒉ/ꂶꌠ/ꅑꅸ/ꀄꊭ/ꂶꌠ/ꑟ/ꃅ/ꊱꀕꃅ/ꋌ/ꄻ/ꋍ/ꂾ/ꑌꄉ/ꌐ。ꃺꃶ/ꀁꑳ/ꈧꌠ/ꄚꄉ/ꋌ/ꇰꌊ/ꑓꆪꃅ/ꏮ/ꐯꉚ/ꐺ。 34 ꒀꌝ/ꋍ/ꂾ/ꄉ/ꋚꒉ/ꋌ/ꁸ/ꋀ/ꁳ，ꀝꑷꂱ/ꆏ/ꋚ/ꉬ/ꁧ/ꊌ。ꋀꊇ/ꒀꌝ/ꈽꄉ/ꎧꑱꎸꅗ/ꇈ，ꉌꇿꑓꇿ/ꇧꁠ/ꀐ。