ꐧꇁꃰꊿꑽꃤꆈꒉꀕ
6
1 ꊁꆏ，ꃰꊿ/ꃷꁨ/ꀉꑌꐯꀉꑌ/ꃅ/ꁦꎆ/ꄉ，ꋧꃅ/ꋋ/ꂷ/ꇬ/ꀀ/ꈴ/ꇈ，ꀋꃋ/ꑌ/ꀉꑌꃅ/ꐥ/ꀐ。 2 ꏃꃅꌋ/ꌺ/ꈧꌠ/ꆹ/ꐧꇁꃰꊿ/ꌋꅪ/ꎔꐯꎔ/ꌠ/ꑠ/ꋀꊇ/ꊌꂿ/ꇬꆏ，ꌋꅪ/ꋀ/ꉌꈀꃹ/ꌠ/ꋀ/ꌋ/ꌊ/ꑮꃀ/ꃅ/ꀐ。 3 ꄚꄉ，ꑳꀊꊆ/ꑠꃅ/ꉉ：“ꊾꆹꇭꀧꆊꌧꑠꂷꀉꄂꉬ/ꑲꆏ，ꉠ/ꀑꇬ/ꌗ/ꆹ/ꐩꋊꐩꍂ/ꃅ/ꋀ/ꈐꏭ/ꑌ/ꇬꎷꌠꀋꉬ，ꑠꃅꑴꇬ，ꃰꊿ/ꀑꇬꐥꍂ/ꆹ/ꋍꉐꑋꊏ/ꈎ/ꑟꄎꑴꌦ” ꄷ。4 ꀊꋨ/ꄮꇬ，ꃄꅉ/ꇬ/ꊾꇨ/ꇭꀧ/ꀉꒉ/ꌠ/ꇫ/ꅐ/ꇁ，ꊁꏭꑌꇫꐥ；ꏃꃅꌋ/ꌺ/ꈧꌠ/ꌋꆀ/ꋧꃅ/ꌋꅪ/ꈧꌠ/ꐯꈽ/ꑱꋦꇤꄂ/ꄉ/ꌺꒆꇖꉘ，ꊿꀊꋨ/ꈨ/ꆹ/ꀃꌋ/ꀊꆨ/ꊿ/ꌲꑌꌳꈄ、ꂒꑌꂓꅑ/ꈧꌠ/ꉬ/ꀐ。
5 ꃄꅉ/ꇬ/ꃰꊿ/ꋍ/ꂷ/ꋑꀋꋒ/ꑽꃤ/ꆈꒉꀕ，ꋍ/ꑍ/ꋑꀋꋒ/ꉌꂵ/ꄷꅠ/ꌠ/ꀉꄂ/ꉪ/ꇬꎷ，ꋍ/ꑠ/ꑳꀊꊆ/ꊌꂿ/ꇬꆏ， 6 ꑳꀊꊆ/ꆹ/ꊿ/ꋌ/ꄻ/ꃄꅉ/ꇬ/ꐥ/ꎻ/ꐛꅹ/ꃅ/ꋍꉌꂵꐛꀋꐛ，ꄷꀋꁧ/ꉌꂵ/ꆅ/ꇧꁠ。 7 ꑳꀊꊆ/ꑠꃅ/ꉉ：“ꉡ/ꆹ/ꃄꅉ/ꇬ/ꐧꇁꃰꊿ/ꉢ/ꈀꄻ/ꄉ/ꌠ/ꃅ/ꈔꋏ/ꇫꎭ/ꌐ，ꉈꑴ/ꌦꑌꇙꀕ/ꈛꎼ/ꌠ、ꁮꈯꁮꆰ/ꈛꑀ/ꌠ，ꉌꊭꉌꇓ/ꃅ/ꐚ/ꌠ/ꐯꇯ/ꈔꋏ/ꇫꎭ/ꌐ，ꑞꃅꆏ，ꉢ/ꐥꇐ/ꉢ/ꄻꄉ/ꋋ/ꈨ/ꐛꅹꃅ/ꉠ/ꉌꂵ/ꐛꀋꐛ/ꀐ” ꄷ。 8 ꇊꑸꀉꄂ/ꑳꀊꊆ/ꋋꁌꒉ。
ꏃꃅꌋ/ꇊꑸ/ꏭꇖꁨꄜ/ꄇꇉ/ꊨ/ꄷ
9 ꇊꑸ/ꌋꆀ/ꋍ/ꌺꇖ/ꊂꋊ/ꃆꂮ/ꆏ，ꑠꃅ/ꁱ/ꇬꄀꄉ：
11 ꄚ/ꊿ/ꀉꁁ/ꈧꌠ/ꆹ/ꌤꆿ/ꏃꃅꌋ/ꉜꇬ/ꄷꅠ/ꆈꒉꀕ/ꌠ/ꑠ/ꃅꌐ，ꃄꅉꇬ/ꊋꒉꊋꁧꅸ/ꌠ/ꃅꐨ/ꑠ/ꐛ/ꀐ。 12 ꏃꃅꌋ/ꏮ/ꋧꃅ/ꋋ/ꂷ/ꉜ/ꇬ，ꋧꃅꇬꑌꇐꑲꇐ/ꆹ/ꇯꍝꃅ/ꀜꐡꆿꐢꇧꁠ/ꌐ，ꐧꇁꃰꊿ/ꃅꐨꑽꑌ/ꉜꑭꉚꈌꀋꐥ/ꀐ。 13 ꑠꅹ，ꏃꃅꌋ/ꇊꑸ/ꏭ：“ꉢ/ꉪꄉꏤꄉ/ꐧꇁꃰꊿꁳꈔꑍꎻꂿꄷꀐ，ꑞꃅꆏ，ꃄꅉ/ꇬ/ꊋꒉꊋꁧꅸꌠ/ꌤꆿ/ꑠ/ꐛ/ꀐ。ꆏ/ꉜꄉ！ ꉡ/ꆹꀋꎪꃅꋀꊇ/ꌋꆀꃄꅉ/ꋋ/ꂷ/ꐯꇯ/ꈔꋏ/ꇫꎭ/ꌠꉬ。
14 ꆏ/ꑴꌠ/ꌩ/ꈀꉾꀕ/ꌠ/ꌋꌊ/ꄉ，ꅽ/ꊨꏦ/ꎁꃅ/ꇖꁨꄜ/ꄇꇉ/ꑠ/ꇷ/ꊨꄻ；ꄇꇉ/ꈐꏭ/ꋍ/ꁨ/ꋍ/ꁨ/ꃅ/ꇢꄀ/ꄉ，ꈐꏭ/ꉈꏭ/ꐯꇯꆀꏾ/ꑗꏷꌠ/ꑠ/ꌊ/ꌎ/ꄉ/ꒉꈜ/ꃅꄉ。 15 ꇖꁨꄜ/ꄇꇉ/ꋋ/ꇷ/ꑠꃅ/ꊨꄻ： ꀊꎴꐨ/ꆏ/ꋍꉏꌕꊯꌕ/ꂰ，ꀊꐯꐨ/ꆏ/ꑍꊏꑋ/ꂰ，ꀊꂥꐨ/ꆏ/ꊯꌕ/ꂰ。 16 ꄇꇉ/ꄩꁆꏯꆏ，ꌍꑓ/ꀊꂥꐨ/ꌕ/ꐑ/ꐥ/ꃅ/ꁌ/ꄉ，ꄇꇉ/ꈐꏭ/ꆏ/ꀏ、ꄩ、ꇢꊭ/ꌕ/ꊐ/ꃅ/ꊨꄻ/ꄉ，ꄇꇉ/ꏢꁮꏭ/ꆏ/ꀃꈈ/ꁌ/ꄉ。
17 ꉜꄉ/ꅊꇈ！ ꉡ/ꆹ/ꏃꃅꒊꊝꂋ/ꇁ/ꎻꄉ，ꃅꑆ/ꋌ/ꁬ/ꇂꃴ/ꌦꑌꌗꑌ/ꈀꐥꌠ/ꃅ/ꈔꑍ/ꌐ/ꇁ/ꌠꉬ。 18 ꄚ/ꑠꃅ/ꑴꇬ，ꉡ/ꆹ/ꆎ/ꌋꆀ/ꏤꐪ/ꒃ；ꆏ/ꅽ/ꑮꃀ、ꅽ/ꌺ/ꈧꌠ、ꌺ/ꑮꃀ/ꈧꌠ/ꌋꆀ/ꐯꇯ/ꇖꁨꄜ/ꄇꇉ/ꇶꌠ/ꇬ/ꃹ/ꆹ。 19 ꉈꑴ，ꃄꅉ/ꇬ/ꌦꑌꇙꀕ/ꈧꌠ，ꋍ/ꑵ/ꌠ/ꑍ/ꂷ，ꀞ/ꂷ/ꌋꆀ/ꃀ/ꂷ/ꃅ/ꈹ/ꅸ/ꇖꁨꄜ/ꄇꇉ/ꇶꌠ/ꇬ/ꊐ，ꑠꃅ/ꑲꆏ，ꐯꇯ/ꆏ/ꈽꄉ/ꈭꅐ/ꄎ/ꀐ。 20 ꉌꊭꉌꇓ、ꑋꁮꉆꁮ、ꎇꃀꍅꑓ、ꈛꑀ/ꌠ/ꇙꀕ/ꑞ/ꑌ/ꂱꑱ/ꍔ/ꂱꑱ/ꐊ/ꌐ，ꈀꐥꌠ/ꈬꄔ/ꇬꄉ/ꋍ/ꑵ/ꌠ/ꋍ/ꋒ/ꃅ/ꈹ/ꅸ/ꅽ/ꄹ/ꊐ/ꄉ/ꈭꅐ/ꎻ。 21 ꆏ/ꑴꌠ/ꋚꒉ/ꋍꑞꋍꑵ/ꑠꑌ/ꊭꄎ/ꇬꊎꄉ，ꑠꃅ/ꑲꆏ，ꆍꊇ/ꌋꆀ/ꑋꁮꉆꁮ/ꌦꑌꇙꀕ/ꈧꌠ/ꋠꅍꅝꅍ/ꊌ/ꀐ” ꄷ。
22 ꇊꑸ/ꆹ/ꑞꀕ/ꑌ/ꏃꃅꌋ/ꋍ/ꏭ/ꈁ/ꉉ/ꌠ/ꇬ/ꈴ/ꄉ/ꃅ/ꀐ。