128
Ya a-appeh ni pantetyedan di Jerusalem
1 Um-amleng etan tuun kamekangngu-unnud ni tugun nan Apu Dios.
2 Man-am-amleng alin mengngan ni nan-aatuan tu. Et humman hu, man-am-amleng ni peteg niya kayyaggud hu biyag tu.
3 Ya etan ahwa tu ey kamei-ellig di makallameh ni grapes ni neitnem di baley tu. Ey henidda pakeitnem ni olibah hu u-ungnga tun neamung di pengngannan da.
4 Em, henin nunya hu panyaggudan ni iddawat Apu Dios idan kamekangngu-unnud ni hi-gatu.
5 Ya kayyuggud ey bendisyonan dakeyun Apu Dios e wadad Zion. Ey kayyaggud et hedin umyaggud hu Jerusalem eyan ketaggu tayu.
6 Ya nakka iddasal ey andukkey et anhan hu biyag yu ma-lat ang-angen yulli inap-apu yu.
Ya kayyaggud ey mannananeng hu linggep eyad bebley di Israel.