120
Ya a-appeh ni pantetyedan di Jerusalem
1 Nakka meligligasi et mampehemmehemmekkak nan Apu Dios di dasal ku ey dingngel tu dasal ku.
2 Kangkud dasal kuy “Apu Dios, ihwang muwak anhan idad mangkaitek niyaddad mangkaheul ni tutu-u.”
3 Hi-gayuddan mangkaitek, ey nanna-ud ni nemahhig ali hu pengastigun Apu Dios ni hi-gayu.
4 Em, nemahhig ali hu pengastigu tun hi-gayu e heni dakeyulli pennaen niya heni dakeyulli ittangtang di ngalab.
5 Nakka manligligat ni mekibbebley ida eyan mangkabunget ni tutu-u e heni-ak nekibebley di Meshek winu yad Kedar.
6 Impeinglay kun mekihahha-ad di hanneyaddan tutu-un ya pambubuhhihian hu pinhed da.
7 Hedin nakka pan-e-hela hu meippanggep ni linggepan ey daka pehebballi hu mekiggubbat.