15
Ya a-appeh David
1 Apu Dios, inamtak et yadda etan dammutun mekihha-ad niya mengidaydayaw ni hi-gam di duntug mud Zion
2 ey ebuh ida etan tuun kamekangngu-unnud ni pinhed mu niya limpiyuh hu tuka pehding niya tuka heppita.
3 Humman idan tuu ey eleg da e-hela hu lawah meippanggep ni edum dan tuu ey endi lawah ni daka pehding ni edum da niya eleg da tumtumbuka hu sinakdul da.
4 Daka tettebala hu tutu-un kamakangngu-unnud nan Apu Dios, nem anggebe-hel dadda hu kahing ni hi-gatu. Ey daka peamnun ippahding emin hu daka e-helan pehding da, anin ni panligligatan da.
5 Eleg da peteppat hu daka peuttang ni pihhuh da niya eleg da ebbulutan mebeyyadan ni mantistigun itek ma-lat mabehulan hu endi bahul tun tuu.
Yadda henin nunya tuu ey mekihha-ad idallid kad-an Apu Dios ni ingganah.