10
Ya meippanggep ni nandingngelan di Serses nan Mordekai
1 Hi Serses e patul ey immandal tu e mahapul ni mambeyyad ni buwis ida katuutuud kebebbebley, anin idan nampambebley di edawwi e gilig ni baybay. 2 Emin hu kakkayyaggud ni impahpahding nan patul, anin ni ya nengipeta-geyan tun saad Mordekai, ey neitudek etan di libluh ni patul di Persia niyad Media. 3 Hi Mordekai hu meihhayned di saad nan patul e hi Serses. Kapakallispituha niya nakappinhed idan edum tun Jews tep impenaptek tu panyaggudan da niya linggepan da niyaddalli helag dan edum ni aggew.