2
Yadda helag Judah
1 Huyyadda hampulut dewwan u-ungngan Jacob: hi Reuben, hi Simeon, hi Levi, hi Judah, hi Issakar, hi Sebulun, 2 hi Dan, hi Joseph, hi Benjamin, hi Naptali, hi Gad et hi Asher. 3 Lima u-ungngan Judah. Tellu u-ungnga dan Batsua e ahwa tun iKanaan: hi Er, hi Onan et hi Selah. Lawah ni peteg hi Er e pengulwan ni u-ungnga tu et patyen Apu Dios. 4 Ya u-ungnga dan Tamar e inepu tun nebalu ey dewwa e di Peres nan Serah e nandupi-il ida. 5 Dewwa u-ungngan Peres e di Hesron nan Hamul. 6 Lima u-ungngan Serah e hi Simri, hi Ethan, hi Heman, hi Kalkol et hi Darda. 7 Hi Akan e u-ungngan Karmi e helag Serah hu himmulun ni nekastiguan idan helag Israel tep wada intalu tun inla dad gubat ni neieng-eng nan Apu Dios. 8 Hakey hu u-ungngan Ethan e hi Asariah.
Ya tenten ni aammed nan David e patul
9 Tellu u-ungngan Hesron e hi Jerahmeel, hi Ram et hi Kaleb. 10 Hi Ram hu aman Amminadab. Nantanud hi Amminadab et wada hi Nashon e nan-ap-apuddan helag Judah. 11 Nantanud hi Nahson et wada hi Salmon. Nantanud hi Salmon et wada hi Boaz. 12 Hi Boaz hu aman Obed. Hi Obed hu aman Jesse. 13 Pitu hu u-ungngan Jesse e hi Eliab hu pengulwan et han hi Abinadab et hi Sammah a, 14 hi Nethanel, hi Raddai, 15 hi Osem et han hi David. 16 Ey wada dewwan biin u-ungnga tu e di Seruiah nan Abigail. Tellu u-ungngan Seruiah: hi Abishai, hi Joab, et hi Asahel. 17 Inahwan Abigail hu hakey ni helag Ismael et wada hu hakey ni u-ungnga da e hi Amasa.
Yadda helag Hesron
18 Hi Kaleb e u-ungngan Hesron ey inahwa tud Asubah nan Jeriot. Yadda u-ungngad Kaleb nan Asubah ey hi Jesher, hi Sobab et hi Ardon. 19 Netey hi Asubah et bintanen Kaleb hi Eprat et wada hakey ni u-ungnga da e hi Hur. 20 Nantanud hi Hur et wada hi Uri. Nantanud hi Uri et wada hi Besalel. 21 Yan eman ni na-nem hu toon nan Hesron ey inahwa tu etan biin u-ungngan Makir niya agin Gilead et wada hakey ni u-ungnga da e hi Segub. 22 Hi Segub hu aman Jair e nan-ap-apun dewampulut tellun bebley di Gilead. 23 Nem entanniy ginubat idan ap-apud Geshur niyad Aram et sakupen da na-nem ni bebley diman, anin ni ya Jair niya Kenat niyadda edum ni bebley ni neihnup diman. Emin ida nambebley diman ey helag idan Makir e aman Gilead. 24 Hi Hesron ey netey di Kaleb Eprathah. Wada u-ungnga dan Abijah e hi Ashur e nengapyan bebley e Tekoa.
Yadda helag Jerahmeel
25 Hi Jerahmeel e pengulwan ni u-ungngan Hesron ey wada liman u-ungnga tu: hi Ram, hi Bunah, hi Oren, hi Osem et hi Ahijah. 26 Nengahwa pay hi Jerahmeel et wada hakey ni u-ungnga da e hi Onam. 27 Tellu hu u-ungngan Ram e pengulwan ni u-ungngan Jerahmeel: hi Maas, hi Jamin et hi Eker. 28 Wada dewwan u-ungngan Onam e di Sammai nan Jada. Wada dama dewwan u-ungngan Sammai e di Nadab nan Abishur. 29 Inahwan Abishur hi Abihail et wada dewwan u-ungnga da e di Ahban nan Molid. 30 Hi Nadab e agin Abishur ey wada dewwan u-ungnga tu e di Seled nan Appaim. Nem netey hi Seled ey endi u-ungnga tu. 31 Hi Appaim hu aman Ishi. Nantanud hi Ishi et wada hi Seshan. Nantanud hi Seshan et wada hi Ahlai. 32 Hi Jada e agin Sammai ey wada dewwan lakin u-ungnga tu e di Jether nan Jonathan. Nem netey hi Jether ey endi u-ungnga tu. 33 Wada dewwan u-ungngan Jonathan e di Peleth nan Sasa. Huyyaddan emin hu helag Jerahmeel. 34-35 Endi lakin u-ungngan Seshan et peahwa tu etan hakey idan biin u-ungnga tu etan ni bega-en tu e hi Jarha e iEgypt et wada hakey ni lakin u-ungnga da e hi Attai. 36 Hi Attai hu aman Nathan, hi Nathan hu aman Sabad, 37 hi Sabad hu aman Eplal, hi Eplal hu aman Obed 38 hi Obed hu aman Jehu, hi Jehu hu aman Asariah, 39 hi Asariah hu aman Heles, hi Heles hu aman Eleasah, 40 hi Eleasah hu aman Sismai, hi Sismai hu aman Sallum, 41 hi Sallum hu aman Jekamiah, hi Jekamiah hu aman Elishama.
Yadda edum ni helag Kaleb
42 Yadda u-ungngan Kaleb e agin Jerahmeel ey hi Meshah e pengulwan e aman Sip. Ya neihayned ey hi Maresha e aman Hebron. 43-44 Wadadda epat ni u-ungngan Hebron e hi Korah, hi Tappuah, hi Rekem et hi Sema. Hi Sema hu aman Raham ey hi Raham hu aman Jorkeam. Nantanud hi Rekem e agin Sema et wada hi Sammai 45 e aman Maon. Nantanud hi Maon et wada hi Bet Sur. 46 Imbilang Kaleb hi Ephah ni ahwa tu et wada tellun u-ungnga da e hi Haran, hi Mosa et hi Gases. Wada hakey ni u-ungngan Haran et ngadanan tun Gases. 47 Wada hi Jahdai e enem u-ungnga tu: e hi Regem, hi Jotham, hi Geshan, hi Peleth, hi Ephah et hi Saap. 48 Wada mewan hakey ni imbilang Kaleb ni ahwa tu e hi Maakah et wada dewwan u-ungnga da e di Seber nan hi Tirhanah. 49 Entanni ey wada pay dewwan u-ungnga da e hi Saap, e nahlagan idan nambebley di Madmannah, et hi Seba e nahlagan idan nambebley di Makbenah niyad Gibea. Wada hakey ni biin u-ungngan Kaleb e hi Aksah. 50 Huyyadda pay edum ni nahlag nan Kaleb.
Yadda lakin u-ungngan Hur e pengulwan ni lakin u-ungngad Kaleb nan Eprathah ey hi Sobal e nahlagan idan nambebley di Kiriat Jearim, 51 hi Salma e nahlagan idan nambebley di Bethlehem, et hi Harep e nahlagan idan nambebley di Bet Gader. 52 hi Sobal e nahlagan idan iKiriat Jearim hu nahlagan idan nampambebley di Haroeh, yadda kagedwah ni nambebley di Manuhot 53 niyadda iKiriat Jearim e humman ida Itrite, Puthite, Sumathite niyadda Misraite e edum dadda Sorathites niyadda Estaolites. 54 Hi Salma e nengapyan bebley e Bethlehem hu nahlagan idan iNetophat, iAtrot Bet Joab, yadda kagedwah ni iManahat, yadda iSorah 55 niyadda iJabes e nelaing idan mantuddek ni importanteh ni dokumintuh e humman ida hu Tirathites, Simeathites niyadda Sukathites. Kenite idan emin huyya e nahlag idan Hammat e nahlagan idan pamilyah Rekab.