Deuteronomy i

Deuteronomy

Ya meippanggep nunyan libluh ni Deuteronomy

Huyyan libluh hu neitudekan ni nanggillig ni intugun Moses idan helag Israel. Impangulu tudda huyyan helag Israel eman ni limmeniklikwehan dad endi bebley ni na-pat ni toon. Yan nunyan tsimpuh ey dimmateng idad Nandeklan di Moab e demang ni gilig ni Kanaan e bebley ni insapatah Apu Dios ni iddawat tun hi-gada.

Inamtan Moses e ngannganih law ketteyyan tu et ihammad tun itugun idan edum tun Hebrew e mahapul ni pinheden da niya u-unnuden da hi Apu Dios ey impenemnem tun hi-gada hu et-eteng ni impeminhed Apu Dios ni hi-gada. (4:37, 6:4-5, 7:6-8, 10:12-13, 11:1 et yad 30:6)

Huyyan impeminhed tun hi-gada ey neipeamtaddad tugun et yad nekitbalan tun hi-gada. Hedin u-unnuden da nekitbalan tun hi-gada et yadda tugun tu ey bendisyonan tuddad Kanaan e iddawat tun pambebleyan da. Nem hedin ngenghayen da, man kastiguen tudda. (7:9-15 et yad 30:15-20)

Yadda neitudek eyad libluh:

1. Impenemnem nan Moses hu nanliklikwehan idan helag Israel di endi bebley. (chapters 1-4)

2. Impidwan Moses ni inhel ida intugun Apu Dios idan helag Israel. (chapters 5-26)

3. Ya nekitbalan Apu Dios idan helag Israel. (chapters 27-30)

4. Ya nanggillig ni intugun Moses idan helag Israel et ya a-appeh tun penaydayaw tun Apu Dios. (chapters 31-32)

5. Ya nanghelan Moses ni bendisyon nan Apu Dios idan Hampulut Dewwan helag Israel. (chapter 33)

6. Ya neteyyan nan Moses. (chapter 34)