Jeremiah 45

Hay Pamaliwan Apo Dios ay Baruch

¹ Hidin ta'wa miyapat hi tawon hi nun'alian Jehoiakim an hina' Josiah hi ad Judah ya nalpah an intudo' Baruch an amin din inali' hi itudo'na, ² ya waday inalin Apo Dios hi ipa'innila' ay Baruch. ³ An inalinay, “Munlili'a, Baruch, an alyom di, Nidugah ahan tun inat Apo Dios ay da'mi ti inudmana nan nunheglan ay'u numanomnoman! At himmigaa' mahkay hitun nitagua'!

⁴ Mu alyo' ay he"a, Baruch, an pa"io' heten babluy an limmu' an paddungnay intanom'u ya un'u bu'nuton. ⁵ At adim dedenlon di pumhodam. Mu ibaliw'u he"ah pumatoy an ta"on un malgom di umayam. Ha"in an Dios di nanapit ete.”