13
Luwaluh Pumpahmo'an hi Badang
Hete ya psalm an intudo' David, ya hay intud'ana ya nan ap'apun di muntudtuduh kanta.
1 Apo Dios, unna' dan ahan aliwan hi enggana?
Ya unna' dan goh ahan adi haghaggungon ay He"a?
2 Ya anuud mah di apogpogan tun punholholtapa' hi punlungdayaa' hi abigabigat?
Adim ni' iyabulut di gun pangabakan nan buhul'un ha"in!
3 Apo Dios, donglom ni', ya abulutom di luwalu',
ya pabi'ahona' ni' ta adia' matoy
4 ta adi alyon nan buhul'uy unna' inabak,
ya ta adida umamlong!
5 Mu ehdol'u nan nidugah an pamhodmu,
ya mun'am'amlonga' an dumalat nan pamaliwam ay ha"in.
6 At ikantaa' He"a, Apo Dios,
ti immannung an maphod di inatmun ha"in!