3
Hay Kantan David hidin Limmayawana
Hete ya psalm an intudo' David, ya intudo'nah din nakakana ta inlayawanah Absalom an imbaluyna.
(II Sam. 15:1-19:8)
1 O Apo Dios, ten do'ol di buhul'u,
ya do'ol goh di mi'bohhol ay ha"in!
2 Ya do'ol di mangalih,
“Adi badangan Apo Dios hiya!”
3 Mu He"a, Apo Dios di baliw'u
ti He"ay mangidat hi bi'ah'u,
ya umabaka'.
4 Ya init'u"u an numpabadang,
ya immannung an binadangana' hidih wadanah nan me'gonan an duntug.
5 Ya hinan ali'li'uha' ta molo'a' ya mi'id ah al'alin ha"in,
ya bumangona',
ya maphod ti hi Apo Dios ya wagwadan manalimun ay ha"in.
6 At adia' tuma'ot hinan do'ol an buhul an mamatoy ay ha"in!
7 At ihi'almu ni' anhan ta baliwana' ni', Apo Dios, ti He"ay Dios'u!
Ta ipa'abakmun amin nan buhul'u,
ya inubahmun amin nan gun mangat hi pumbaholan.
8 Ti He"a, Apo Dios, di dumalat hi abaliwan,
at wagaham nan tatagum.