2
Nan Napatadan nan Holag Israel
(Gen. 35:23-26)
1 Hiyatuy linala'ih holag Israel: hi Reuben, ya hi Simeon, ya hi Levi, ya hi Judah, ya hi Issachar, ya hi Zebulun, 2 ya hi Dan, ya hi Joseph, ya hi Benjamin, ya hi Naphtali, ya hi Gad, ya hi Asher.
Nan Napatadan nan Holag Judah
(Ruth 4:18-22; Mat. 1:3-6)
Nan Holag Judah hi Engganan Azariah
3 Hi Judah ya waday tuluh linala'in holagna ay Bathshua an babain iCanaan an hiyatuy ngadanda: da Er ay Onan, ya hi Shelah. Mu nan pangpangullun hi Er ya nappuhi nan inatnan pahiwon Apo Dios, at hiyanan pinatoy Apo Dios. 4 Ya duway inyimbaluyna ay Tamar an inapuna an da Perez ay Zerah. At lemadan amin di linala'ih imbabaluy Judah.
5 Ya nan linala'in imbabaluy Perez ya da Hezron ay Hamul.
6 Ya lemaday imbabaluy Zerah an da Zimri, ya hi Ethan, ya hi Heman, ya hi Kalkol, ya hi Darda.
7 Ya nunholag hi Karmi ta hi Achar,a ya hiyay dimmalat hi pimmuhian nan holag Israel ti numbahol hidin nangipo"oyanah din gina'un nidawat ay Apo Dios an napaniaw.
8 Ya hay lala'ih imbaluy Ethan ya hi Azariah.
Nan Himpangapun Mete"an Hezron an Ap'apun Judah ta Engganan David
9 Ya hay linala'ih holag Hezron ya da Jerahmeel, ya da Ram ay Caleb.
10 Nunholag hi Ram ta hi Amminadab,
ya nunholag hi Amminadab ta hi Nahshon an numpapto' hinan tatagun holag Judah,
11 ya nunholag hi Nahshon ta hi Salmon,
ya nunholag hi Salmon ta hi Boaz,
12 ya nunholag hi Boaz ta hi Obed,
ya nunholag hi Obed ta hi Jesse.
13 Ya nunholag hi Jesse ta hi Eliab an pangpangullu, ya otob hi Abinadab, ya atlu hi Shimea, 14 ya miyapat hi Nathanel, ya miyalema hi Raddai, 15 ya miyonom hi Ozem, ya miyapitub hi David. 16 Ya nan agidan binabai ya da Zeruiah ay Abigail. Ya nan tulun linala'in holag Zeruiah ya da Abishai ay Joab, ya hi Asahel. 17 Hi Abigail ya ni'yahawa ay Jether an holag Ishmael ta nawaday imbaluydan lala'in hi Amasa.
Nan Himpangapun Holag Hezron
18 Ya hi Caleb an hina' Hezron ya duway ahawana an da Azubah ay Jerioth. Ya tuluday inyimbaluyna ay Azubah an da Jesher ay Shobab, ya hi Ardon. 19 Ya unat goh natoy hi Azubah ya numbentan hi Caleb ay Ephrath ta nunholagda, ya lala'i an hi Hur. 20 Ya nunholag hi Hur ta hi Uri, ya nunholag hi Uri ta hi Bezalel.
21 Ya hidin nunnanom di tawon Hezron ya numbentanana han babain agin Gilead an babain imbaluy Makir, ya nunholagda ta hi Segub. 22 Ya nunholag hi Segub ta hi Jair an hiya ya duwampulu ta han tuluy babluy hi impapto'nah nan babluy an hakup ad Gilead. 23 (Mu da Geshur ay Aram ya kinaphulda nan nanom an abablubabluy an hakup ad Havvoth Jair ya ad Kenath, ya ta"on nan abablubabluy an wah nan nunlene'woh ta nanom an amin di lammung nan abablubabluy an penlohda. Ya an amin daten babluy ya hakup nan holag Makir an hi aman Gilead.)
24 Ya unat goh nalpah an natoy hi Hezron hidid Caleb Ephrathah ya nuntungaw din ahawanan hi Abijah hi lala'in nginadnanda ta hi Ashhur an hi aman Tekoa.
Nan Holag Jerahmeel
25 Hi Jerahmeel an pangpangullun imbaluy Hezron ya nunholag ta da Ram an pangpangullu, ya hi Bunah, ya hi Oren, ya hi Ozem, ya un hi Ahijah. 26 Ya numbentan goh hi Jerahmeel hi ohah babain hi Atarah an hiyay hi inan Onam.
27 Ya hi Ram an pangpangullun imbaluy Jerahmeel ya nunholag ta da Maaz, ya hi Jamin ay Eker.
28 Ya nunholag hi Onam, ya linala'ida an da Shammai ay Jada.
Ya nunholag hi Shammai ta da Nadab ay Abishur.
29 Ya hay ngadan di inahawan Abishur ya hi Abihail, ya nunholagda, ya linala'i an da Ahban ay Molid.
30 Ya nunholag hi Nadab ta da Seled ay Appaim. Ya hi Seled ya bahig, at natoy an mi'id ah imbaluyna.
31 Ya nunholag hi Appaim ta lala'i an hi Ishi. Ya nunholag hi Ishi, ya lala'i an hi Sheshan. Ya nunholag hi Sheshan ta hi Ahlai.
32 Ya hi Jada an hi agin Shammai ya linala'i nan imbabaluyna an da Jether ay Jonathan. Ya hi Jether ya bahig, at natoy an mi'id imbaluyna.
33 Ya nunholag hi Jonathan, ya linala'i an da Peleth ay Zaza. Ya didanan amin di holag Jerahmeel.
34 Ya hi Sheshan ya mi'id di imbaluynah lala'i an un binabain amin. Ya wada han tagalanan i'Egypt an hay ngadana ya hi Jarha. 35 Ya hi Sheshan ya impi'ahawana han babain imbaluyna ay Jarha an tagalana, ya nunholagda ta hi Atai.
36 Ya nunholag hi Atai ta hi Nathan,
ya nunholag hi Nathan ta hi Zabad,
37 ya nunholag hi Zabad ta hi Ephlal,
ya nunholag hi Ephlal ta hi Obed,
38 ya nunholag hi Obed ta hi Jehu,
ya nunholag hi Jehu ta hi Azariah,
39 ya nunholag hi Azariah ta hi Helez,
ya nunholag hi Helez ta hi Eleasah,
40 ya nunholag hi Eleasah ta hi Sismai,
ya nunholag hi Sismai ta hi Shallum,
41 ya nunholag hi Shallum ta hi Jekamiah,
ya nunholag hi Jekamiah ta hi Elishama.
Nan Udumnan Holag di A'apun Caleb
42 Ya nan pangpangullun imbaluy Caleb an hi agin Jerahmeel ya nginadnanda ta hi Mesha.
Ya nunholag hi Mesha ta hi Ziph,
ya nunholag hi Ziph ta hi Mareshah,
ya nunholag hi Mareshah ta hi Hebron.
43 Ya hi Hebron ya opatday linala'ih imbabaluyna an da Korah, ya hi Tappuah, ya da Rekem ay Shema.
44 Ya nunholag hi Shema ta hi Raham,
ya nunholag hi Raham ta hi Jorkeam.
Ya nunholag hi aginan hi Rekem ta hi Shammai,
45 ya nunholag hi Shammai ta hi Maon,
ya nunholag hi Maon ta hi Beth Zur.
46 Ya inyimbaluy Caleb ay Ephah an din oha goh an ahawana da Haran, ya hi Moza ay Gazez.
Ya nunholag hi Haran ta hi Gazez an binunatnay ngadan ulitaona an hi Gazez.
47 Ya hay imbabaluy Jahdai ya da Regem, ya hi Jotham, ya hi Geshan, ya hi Pelet, ya hi Ephah ay Shaaph.
48 Ya wada goh di linala'ih inyimbaluy Caleb hinan oha goh an ahawana an hi Maakah ta da Sheber ay Tirhanah. 49 Ya hiya goh ya inyimbaluyna goh da Shaaph an hi aman Madmannah ya hi Sheva an hi aman da Makbenah ay Gibea. Ya wada goh di ohah babain imbaluy Caleb an hi Aksah.
Nan Holag Hur an Hina' Caleb
50 Didatun amin di nalpuh holag Caleb:
Nan linala'in holag Hur an pangpangullun imbaluy han ahawan Caleb an hi Ephrathah ya da Shobal an hi aman Kiriath Jearim, 51 ya hi Salma an hi aman Bethlehem, ya hi Hareph an hi aman Beth Gader.
52 Ya hi Shobal an hi aman Kiriath Jearim ya wada goh di linala'ih imbabaluyna an hi Haroeh, ya nan godwan nan iManahath, 53 ya nan himpangapun ma'alih Kiriath Jearim, ya nan holag Ithri, ya nan holag Puth, ya nan holag Shumath, ya nan holag Mishra. (Hatun ahimpahimpangapu ya diday nalpuwan nan tatagun numpunhituh nan babluy ad Zorath ya ad Eshtaol, at dida ya niddumda ay dane an himpangapu.)
54 Hi Salma ya nunholag ta hi Bethlehem an hiyay napu'agan di a'apun nan tatagun wad Netophath, ya ad Atroth Beth Joab, ya nan godwan di holag Manahath, ya nan holag Zor, 55 ya nan numpanginnilan mangitudo' ya muntudo' hinan na'na'at an nitudo' hinan pepel ya inhinadah nan babluy hi ad Jabez. Ya tuluy himpangapun nalpuh di an nan holag Tirath, ya nan holag Shimeath, ya nan holag Sucath. (Dida ya holag Ken an nalpud Hammath, ya hi Hammath di ommod nan holag Rekab.)