4
Sota shaka pesing ja manshedjaw son Apo Shiyos shi dangit
1 Idi enaksheng mala iyay, tinangkak koy naykayang et inon-an koy emankepasemak shi dangit, ja singa µaray dowangan na edo-katan. Jet nontan, intenengan ko mowan sota esel la singa trompitay kedsang to, ja kowan to ey, “Kaled jay et ipa-sas ko son si-kam sota medeka ali shi ma-onod ja timpo.” Kowan to, 2 jet ebigla ja indaw towak nonta Ispirito shi dangit. Jet inon-an ko ma sota tongawan et nodtan, µaray sakey ya timongaw. 3 Sota timongaw nodtan, emenenili: singa dining nonta baton epalit ja kowan sha ey jaspir, tan sota kowan sha ey karniliyan. Jet sota tongawan nodtan, µaray nandikmot ja bongdol, jet say itsora nonta tongawan, emandining nga pasiya ja singa sota baton kowan sha ey ismiralda. 4 Jet sota sakey ya tongawan, dinikmot met laeng ni showen polo tan epat ja tongawan ja tinongawan ira nonta showen polo tan epat ja singa pangolo ni emati son Cristo. Nanbaro ira ni empoti, tan say koronara shi toktok sha, balitok. 5 Jet nodtan na tongawan ja naykawa, si-katoy panbo-dayi ali nonta bagidat tan kirol, tan µara pay i bongog ja emankedapo nodtan. Nodta sango ni tongawan, µaray emanshedang nga piton silew. Jet say olog nonta silew, sota kedsang nonta Ispirito nen Apo Shiyos ja eg nagshengan. 6 Nodta sango-an ni tongawan, µaray singa baybay ya singa samding i itsora to; malo-nas sa pasiya ja singa sota kowan sha ey kristal.
Jet nodta sakey ya tongawan, µaray nandikmot pay ja epat ta palsowa ja eshakel i matesha shi sango tan shi beneg sha. 7 Sota pilmiron palsowa, singa lion; sota maykadµa, singa baka; sota maykatdo, say dopa to, singa dopa ni too; sota mayka-pat, singa tolsho ja emantedjab. 8 Sota ira epat ngon palsowa, µaray enem ma payad sha et nanbabangi i matesha ja nandikmot shi bakdang sha. Jet ka-akawan tan kalebi-an, eg ira onsalsheng ni kansiyon ja panshedjaw son Apo Shiyos, ja kowan sha ey, “Enshiy maka-inges son Apo Shiyos, angken sipa—si-katoy Kangeto-an! Si-katoy sigod ja µara ngoreshan, ingkato niman, ingkatod ingka!” 9 Jet sajay iren palsowa, ireka mankansiyon ni shayaw sha, tan ireka man-iyaman so nonta µara ni olay shi biyag ingkatod ingka, ja timongaw nodta naykawen tongawan. No mankansiyon ira, 10 sota showen polo tan epat ja singa pangolo ni emati son Cristo, mantedimokod ira shi sango-an to, jet sota koronara, isepara nodta sango-an ni tongawan, ni shayaw sha so nonta µara ni olay ingkatod ingka, jet mankansiyon ngo ira ja kowan sha ey. 11 “Si-kam ma Apo mi tan Shiyos mi, anam mon panshedjawan mi; si-kam i Manakabalin. Ta si-kam i emalsowa ni emin na banag et say kabol la eµara-an niyay, ninemnem mo ngo eshan ey mepalsowa!”