Bìac Mahno
Da Chuaq Jêxu Crich Am Ca Jon Achìh
Bàu Patô Adroi
Hiniq wa Bàu Xèm Da Sech:
Jò cô mangai broq gàu ta Diac Rôma baxèm ep dìq ca jàn ep cùh waiq bùa Rôma tìah ca cùh waiq Boc Plình. 'Màng aih mangai lùi Jêxu joq Chuaq Wèq Cwìang Dìq Dŏng, baxèm glàm bìac padit padiang. I 'nah ngai ta Tagop Hadròih yùq, hi khoi wì haq enh pajùm wa broq tiaq con jàn enh gùng Tagop Hadròih. 'Màng aih, Jon wa mangai hnài ma 'noiq nhet achìh thò pariaq hnài mangai ta Tagop Hadròih phai yòng cajap tiaq Chuaq dìq ca manoh.
Mangai Achìh wa Hanam Achìh:
Jon mangai achìh. Jon cô oh da Chuaq Jêxu pah mòiq miq. Haq achìh Sech cô hanam 95 Atìq C.
Bàu Anoi:
Jon achìh ca mangai lùi Chuaq ep yòng cajap paq cùh waiq bùa Diac Rôma. Haq pa'noh bàu padon i bìac tajêh poh ta'ne Boc Plình wa can kiac Satan. Can kiac Satan enh padit padiang mangai lùi Chuaq, mahaq wì haq phai yòng cajap trùh cachìt. Chuaq jah wèq ban dèch mahua yiang jah atŏc ta plình ŏi hloi hloi ti Chuaq Jêxu.
Rìm 'Nat:
1. Chuaq Jêxu Yòng Ta'ne Tapèh Tagop Hadròih: 1:1–20
2. Thò Gòi ca Tapèh Toq Tagop Hadròih: 2:1—3:22
3. Gêq Bùa, Xom Jàiq wa Trìu Con: 4:1—5:14
4. Tapèh Toq Clep Baxìa: 6:1—8:1
5. Tapèh Toq Ken: 8:2—11:19
6. 'Bài Hiniq wa Bìac Broq Loh: 12:1—14:20
7. Tapèh Toq Doi Chrŏng: 15:1—16:21
8. Ba-bi-lôn – Gu Cadrì Tango: 17:1—19:5
9. Ta'nèp Da Trìu Con: 19:6–10
10. Chuaq Jêxu Tawìh Hlài: 19:11–21
11. Mòiq Ngŏng Hanam: 20:1–6
12. Can Kiac Satan 'Bìq Jêh Đac: 20:7–10
13. Gêq Bùa Càn Caiq Taboc: 20:11–15
14. Diac Plình Neo; Crŏng Taneh Neo; Jê-ru-sa-lem Neo: 21:1—22:5
15. Bàu Pulùch: 22:6–21