Sôq Jàn i

Sôq Jàn

Sech Pôn Da Môise Achìh

Bàu Patô Adroi

Hiniq wa Bàu Xèm Da Sech:

Sech Sôq Jàn khoi jah i hiniq aih taiq khoi jah rèn sôq jàn Is-ra-ên jò wì manhaq ta đùng hawit 38 hanam. Sôq rèn aih khoi i ta 'nat 1 wa 26. Sech Sôq Jàn i achìh hiniq manhaq ta đùng hawit atìq ca wì jah nhàn bàu wêh jao ta Wang Sinai.

Mangai Achìh wa Hanam Achìh:

Môise joq mangai achìh sech Sôq Jàn. 'Bài 'nat ta Sech Hadròih pachì bìac aih: Loh Enh Aicàp 17:14; 24:4; 34:27. Môise achìh sech Loh Enh Aicàp adroi haq cachìt hanam 1406 A.C.

Bàu Anoi:

Sech Loh Enh Aicàp 'noh bàu pachì trong lam da jàn Is-ra-ên enh Wang Sinai trùh đùng tamang Moap jang ca acang Ca-na-an. Bàu ta sech cô anoi 'noh manoh tajraq hlài wa mamùc mamac da jàn Boc Plình, èh wì 'bìq hadrah baxa. Wì haq 'bìq ta'mòq ep rìh hloi ta wang wê trùh jò cachìt, èh toq con caiq wì haq jah lam hloi mùt ta nòi Boc Plình rùp bàu am ca wì haq. Ta'nhòng rìh ta đùng hawit i mòiq hiniq jah hnoq ro, aih Boc Plình wèq ban wì haq hloi hloi. Ùh xài Haq toq am ca wì dahwèq tôm tàu, mahaq Haq xôq loq waq wa baxŏng tôiq lôi da wì haq yôt yôt.

Rìm 'Nat:

1. Jàn Is-ra-ên ŏi ta Sinai padon lam ta Diac Ca-na-an: 1:1—10:10

2. Enh Sinai trùh Cađê Ba-nê-a: 10:11—12:16

3. Jàn Is-ra-ên ŏi ta Cađê; Wì haq 'bìq clòi clai taiq manoh tablàq da wì haq: 13:1—20:13

4. Enh Cađê trùh đùng tamang Moap: 20:14—22:1

5. Jàn Is-ra-ên ŏi ta đùng tamang Moap; Wì haq ngèh enh mùt blah yŏc Diac Ca-na-an: 22:2—32:42

6. Bìac cleq clài ma 'noiq loh: 33:1—36:13