14
1 Pəchir Tlakə kwa shili sakanda ngə njo shili takəya kwazhalɓi na kar kəhi tə lya hi!2 Yo tsəmətə dəhə jul nji pampamə ka nda shil pa Urshalima.Njo kwasnya məlləm, njo fa'abiya sə inda ku ta ki, njo piya na mahi'i na tuku. Njo fa'atə mar nji kwa təra nə ki mər mavakur, amma njo gyar alinya nji kwa ngya ku məlləm.3 Kəl ba Tlakəa biya cho ki pa ana hə'i pampam inga wi nda cha tsəlna pa haɗa.4 Tə pəchinda na hya cha cho ta'i kyatə kəram zaitun, təwa zədər pəchi na Urshalima, Kəram Zaitun tsəu kwa təkəbiya dzə tatsə mətlə manyi təwa zədər pəchi manyi təwa təɗər pəchi, kwa ɓatlətə dakəu, ana mar mə nga kwa ma'i ya təwa voa, ana manyi tsəu kwa ma'i ya təwa holma.5 Hyo whi tahu dakə nga, aka kwa ma'i kwa həya Azel. Hyo whi wi nda hya ɗaka whi tsa dzədzər hə'i ku bijir Uzziah təl nə Yahuda. Kəl ba Hyel tlakə ɗa shili, ana dəhə nji karti nda na cha.
6 Pishinda a vi do mbəl wa, a gyang da shishi'u wa . 7 Ngəna pəchi kwa ɗa suwumə, a puchi da ndara vu'i wa, Tlakə ngə zəndə ngəna biji.
Masakanda akəu tə ɗa, ba vya mbəla.
8 Pəchi nda ɓitir pi kwa whi hya'atə ku Urshalima, manyi a yo dəl dəgal nda təwa zədər pəchi, manyi tsəu ya təwa dəl nə təɗər pəchi, ku bijr vuya ana hyapuchi.
9 Tlakə ngə o ɗa ka təl təkəra dəhə dunəya. Tlakə zhang ngo ɗa pishinda, tləmnyi kwa ɗa ka tləm zhang tanyi.
10 Dəhə hə'i hya'atə təwa Geba ya təwa Rimmon, sha təwa holma nə urshalima kwa ɗa ka babal. Amma Urshalima kwa hya'atə kwa ngyatə mbwanyi, hya'atə tə nyaki Benjamin ya təwa babal nə tangərmar nyaki, ba'a ya təwa nyavi nə nguma, hya'atə tə hər dzəgam nə Hananel kwa'a yatə mbwar ɓichu yayar anap nə jikə təl. 11 Njo ngya ku Urshalima ku pyar ɗəfu, a tsəu ləvər ɓwaɓwatə da wa.