9
8 Yo ɓəlatə mbwa'alə ɗa
atsa njir dawa i.
A tsəu njir ndahuɗəvi nda uya lakur ɗəa na'a na nji səkə wa,
aka sakana ya kwa ngya na ɓəla.
9 Ɗa mana hir ngyaɗi, nahi njir Sihiyo na!
Har ma kurakəu, nahi njir Urshalima!
La'a, janə təlnghə kwa shil da ka,
tsangəu ana dləuya,
na həya a kyatə ya sang (kwara),
kyatə zər kwara (kalgu).
10 Yo hənda charkaina taku tsa Ifraimu
ana taku i nə pəa tsa Urshalima,
laga nə pəa tsəu cho ɓəlla.
Cho shil bəzə pyarɗəfu nə nji dəhəu.
Cha kwa səm təlkur fwatə ku dəl ba'a nə dəl
ghəya tə dəl Yufiretis kwa'anə ɓələr duniya.
11 Amma na ka, ka ngam alkawal nda ya mər naka,
nyiunyiu nyi na mashi,
Yo ndəlanda nji ngha nda ku jarum
ku ka'u jwajwa'a kəla ɓiti.
12 Ɓəl ma shiltə mbwar mbu kəhi, nahi nda ku jarum ya tsəu ta hi na fəkər,
mada sakana yo bəza ənda yo ɓəlndə papa'akur zha mətləu nə kala ndə nda ku ɓwaɓwatu.