23
5 Tlakə tə na, <<Bəji kwa shili>> <<Nda ya kwa hya'andə nyi vanya ndə mənakəu nə Dauda, təl nda kwa mər təlkur na dəma ana kwa mər sənda jiri ya tsatsa'a ku hə'i. 6 Aku bəji nyi Yahuda kwa uya mbəɗa ya Israila kwa ngya mənakəu. Njo nganyi: <Tlakə Ndər dləuya ea.> 16 Janə sənda Tlakə ndər gyalkur tə na:
<<Ngwa hya da səhima da njir ingə kwa takər nə hi ngə wa;
ndo nyandə hi na fəkər gəzhi.
Ndo ɓwanya təkəra təkər nə jigadəma kənda,
a da hya'atə ku nya Tlakə wa.
17 Ndo na nə njinda kwa həyatə ya,
<Ənda Tlakə tə na: Hyo uya pyarɗəfu.>
Ana nə dəhə nji inda kwa nau ɓaɓalkur ɗəfwa kərnənda
nda kwa na, <sənda kwa ɗa nahi wa.>
18 Amaja ya, wangə pama nda ta ta'i ku daɓkər nə Tlakə ka cha la'a ndara cha nagtə ɓwanya nya?
Wangə ɗə səhimi ga ngatə ɓwanya nya?
19 Janə huɗətla Tlakə nda wi tla par kwa shili,
kwa shili na dunama wi majigwal
təkəra njir mər ɗimikur.
20 A huɗətla da do ɓəl yahi wa
kəl wurandə dəhə sənda cha shil ka məra ku ɗufwa cha.
Aku hanyi ida kwa shili
hyo zəndəbiya tə babal.
21 A da ya sə njir mətakər ingə wa,
dəhə ka ənga nda whi na mafakə kənda;
A da ya ndər na nda wa,
dəhə ka ənga nda takəkərəu.
22 Amma cha nda tə nda ta'i ku daɓkər naya,
ndo nda parnyi ɓwanya ɗa nə nji ɗa
ya ndo nda sha kwa ngyari laku ɗimi kənda
ana sə ɗimi nda ndo məra.
23 Tlakə tə na, <<Naya Hyel nda ləhə tanyinya?>>
<<a da wa, naya Hyel nda naɗə ana ba'a mani.
24 Tlakə tə na, ndə nda kwa nau mbutanyi tsa ya tə vanya mbwa ya?
A da ya tə kala mbwa ku dunəya na kya huɗaməlləm ma?>>
25 <<A ngatə təya sənda njir mətakər ingə tə na, nda takər nə gəzhi ku tləm ɗa. Nda na, <Ya shu'uni! Ya Shu'uni! 26 Ba'a sakamani chul gəna sə kwa ngya ku ɗəfwa njir mətakər gəzhi inga? nda kwa takər təkəra pu'ikur jigadəma kənda. 27 Nda hətə ənda shu'uni ngə nda kwa na nəkərnənda kwa gwa'atə na'ana nji kwa farna t ləmɗa, wi ngə tə adanənda tə farna tləm ɗa kwa həsəli nə Ba'al. 28 Ngwa ndər mətakər nda na shu'uni ɗa dəkə shu'uni nyi, ngwa ndə na ɓwanya tsəu dəkə nə nji inda na jiri.Aka mi jigwal kwa mərtəya nə mwalara? ənghwandə Tlakəu. 29 Tlakə tə na, <<A ɓwanya ɗa da wi hu'u wa ya?>> <<Ya wi ngə tə məvəl nda kwa pəpətlə mangu shiɗəɗəu?