20
7 Tlakəu, ka shandə ɗa kərəu, ngə ya sa;
ka ndiya dunama ɗa ga zhaltə ɗə.
Ya ɗa ka sər gwa'a gyaɗi pa'a pəchi;
kala ndə kwa həyatə ya.
8 Ku dəhə sənda ya kwa ndəra, ya kwa ləla
ənda mwandəzhi ana təmachi da.
Aka ənga ɓwayar Tlakə a shilna ɗa
ngəla ana həyatəvi pa'a pəchi.
9 Amma ma ya na, <<A tsəu ya kwa ndər təkəra cha
ndara ya nga tləmnyi səkə wa,>>
ɓwanya nyi aku ɗəfwa wi ngə tə hu'u,
hu'u nda nja gəɗəti ku ɗəhi ɗa.
A həɗatəya ana gəza nyi;
Vəl a da tsəu ya kwa nau susuti wa.
10 Ka ngatə ɓwanya ənghwa, ənghwa tə kəra ya,
<<Ndzamhuɗa mada təwa bari!
Ndo na, mən yi na cha nə njir nəuma!
Dəhə bazhi ɗa i
kwa səka nda la'a tləhi ɗa, ndo na,
<<Kwa nau ɗa məno shandə nyi kər;
tsaka məna ndiya dunama nyi
ba'a məna kinda sukur təkəra cha.>>
11 Amma Tlakə tsa'a naya wi gau nə pah nda kwa ləvərandəu;
aka ənga njir ɗamandza'u naya kwa tləhi nda nau ndiya dunama ɗa wa.
Ndo sa kuzhi gagaɗa da nda nau kura ɗa wa;
Kuzhi nda nda kwa sa a nja kwa farnə wa.
12 Yawa Tlakə ndər gyalkur, nakə nda kwa dzə ndə tsang
nda kwa la'a ɗəfu ana jigadəma,
əngwa ya la'a səkurngha təkəra nda,
aka da ka nəya shilda nəuma ɗa.