YOHANES MBOT KEP TUT
NINGAT-HI-NGAT NYA
NIHYET GI BIBIE TUT
Yohanes pas kep Yohanes Mbot Kep Tut Ningat-Hi-Ngat Nya mem nijam dino tungwatu nya ihwen bit yo di Kresten drek dip ide niba ningon com Kristusti bigyai ninghuisi wei biyok. Yohanes ningon kanti di bon ninyeng bindei yo di ingon jo kep nya igyok ingon mem Kristus nikwei hanyenti bibrim ingkek mem gima cem. Ningon kanti hi kin bu rino pingok ingonti leu binhyepo ingon nddong mpe dino igyai inghuisi wei tug hon tungwatu nya di ihwen bit yok.
Srat dini pui sut Yohanes nimbot kep tut ningat-hi-ngat nya kin mun di noni ngat bou niyai him cem ba, hagom tug hon nihyet nibiti nindati kin bindo di mindur bibor. Nipui mun dini jo nibreisi mem yo di Kresten mem nijam dima noro nggruk bibor mem nindigsi nya yahagom. Yohanes tri tut mun di bon ninyeng ei srat diniti tug hon nisinati kin nimbot kep tutti di ter leu yam ba, hagom tug hon ningat-hi-ngat nya. Mbro nok gino bihi ingon kanti tut srat dini ter leu yam lo, Yohanes ningon kanti di bon ninyeng rino Allah mibindei cut yo di iba nitok bak Noni bitut Bilis cem yahagom bihigom tug hon Tuhan Yesus Kristus. Tirigi Allah bindei cut yok bingwig leu lene Noni mipai tes gwamti kin dihyeisi di nijep bu bak Nide limwa di ingon gom nya.
Nirop Ninda Ndigsi
Yohanes tri tut nihyet di bibie tut 1:1-8
Ningat-hi-ngat gi nigom kin srat nya mem mbusyamei ningat muhwindacan 1:9--3:22
Srat kijum kin biei nggrai di krau kep 4:1--8:1
Pun mbrei nika muhwindacan 8:2--11:19
Naga kin mindhe di niten-pos ningut can 12:1--13:18
Ningat-hi-ngat nya hi kin bu 14:1--15:8
Bokor di mpung tut Allah nigga biborti ningat muhwindacan 16:1-21
Babel nitimekti kin mindhe di niten-pos kin nabi nitrowai kin Bilis yahagom icutti 17:1--20:10
Hukum ei ningwig honti 20:11-15
Gwamti kin dihyeisi kin minu ndig Yerusalem nijep bu 21:1--22:5
Yesus nikwei hanyenti 22:6-21