Yo di intun Esau him
(1Taw. 1:34-37)
36
1 Ayat dini yok pui sut Esau di ninyeng hi Edom de nintun him yamti di bram yam nya. 2 Noni wak sop timiei minu Kanaan nya ibou ningai. Hi ninyeng Ada ba, nicig ninyeng Elon di timiei minu Het. Lene hi ninyeng Oholibama di nicig ninyeng Ana lene Ana nicig ninyeng Zibeon di timiei minu Hewi. 3 Lene hi ninyeng Basmat di nicig ninyeng Ismael ba, Basmat nikijam ninyeng Nebayot. 4 Lene Ada yai nipmot Elifas bak Esau leu api Basmat yai nipmot Rehuel binoni. 5 Lene Oholibama yai nipmot bat di inyeng Yeus kin Yaelam kin Korah binoni. Esau nitnem bat nya igyai nipmot bat dini yok bak noni ei minu Kanaan.6 Lene Esau buwak nitnem bat kin nimunggwom bat nya yahagom kin nide mindhe-ndhe nya hagom kin nide ndigban po noni nyeng tut nya ei minu Kanaan pima hagom buug sut ug ei minu ting leu nikinjoi Yakub de hanjop nsi. 7 Ikwas yam nok lewo ide mindhe-ndhe nya idigek kep mpia ba, imang bibor apino minu dima bon nibresti mem yahagom bi ba, mun di ibihyen kep ide mindhe-ndhe nya cem dem bi. 8 Gima rino Esau di ninyeng hi Edom ug biwin minu jep dideu cet him ei Seir.
9 Ayat dini yok pui sut Esau de nintun him yamti di bram yam nya ba, noni ne pung di mben Edom intun him ri. 10 Yo dini ne Esau nipmot bat nya ri. Nitnem Ada yai nipmot Elifas binoni lene nitnem Basmat yai nipmot Rehuel binoni. 11 Lene Elifas nitnem yai nipmot bat nya ibou muhwi binoni ba, inyeng rino Teman kin Omar kin Zefo kin Gaetam kin Kenas. 12 Lene Elifas nitnem ndrim Timna yai nipmot Amalek binoni.
13 Lene Esau nitnem Basmat yai nipmot Rehuel binoni. Lene Rehuel nitnem yai nipmot bat nya ibou bitai binoni ba, inyeng rino Nahat kin Zerah kin Syama kin Miza.
14 Lene nitnem Oholibama di bon nicig Ana kin nignyon Zibeon yai nipmot bat nya ibou ningai binoni ba, inyeng rino Yeus kin Yaelam kin Korah.
15 Ayat dini yok pui sut mben nya di intun Esau him. Nipmot mighumbou Elifas nok pung di mben Teman kin Omar kin Zefo kin Kenas, 16 kin Korah kin Gaetam kin Amalek ide nintun him yamti di bram yam nya. Yahagom intun Esau nitnem Ada him.
17 Lene Esau nipmot Rehuel nok pung di mben Nahat kin Zerah kin Syama kin Miza yoni ide nintun him yamti di bram yam nya. Yahagom intun Esau nitnem Basmat him.
18 Lene Esau nok pung di mben Yeus kin Yaelam kin Korah yoni intun him tug hon nitnem Oholibama di nicig ninyeng Ana. 19 Mben dini yok hagom intun Esau him.
Yo di intun Seir him
(1Taw. 1:38-42)
20 Lene timiei minu Edom ikwas yam ei mben ningat poi bibon Seir di mben Hori nok pung di yoni intun him. Mben dima yok inyeng rino Lotan kin Syobal kin Zibeon kin Ana, 21 kin Disyon kin Ezer kin Disyan.
22 Lene Lotan nok pung di mben Hori kin mben Heman intun him. (Lotan bon nikwohop Timna.)
23 Lene Syobal nok pung di mben Alwan kin Manahat kin Ebal kin Syefo kin Onam intun him.
24 Lene Zibeon yai nipmot bat cin di inyeng Aya kin Ana. (Ana ne no di kep minyei bousi di dut ei iggum ndigsi tirigi noni hyen kep nicig de keledai pima ri.) 25 Lene Ana yai nipmot Disyon kin nipmisop Oholibama. 26 Lene Disyon nok pung di mben Hemdan kin Esyban kin Yitran kin Keran intun him.
27 Lene Ezer nok pung di mben Bilhan kin Zaawan kin Akan intun him.
28 Lene Disyan nok pung di mben Us kin mben Aran intun him.
29 Gima rino mben nya di intun Hori him ei minu Edom inyeng rino Lotan kin Syobal kin Zibeon kin Ana, 30 kin Disyon kin Ezer kin Disyan.
Nibou ndig Edom nya
(1Taw. 1:43-54)
31 Nipou tirigi mben Israel ibon ide nibou ndig nya hi bigyo lene yo dini inok nibou ndig nya ei Edom. 32 Bela nok nibou ndig ei Dinhaba ba, nicig ninyeng Beor. 33 Tirigi Bela niyaijo ngwig hon tu lene Yobab leu Bozra ya luei nohoti bu ba, nicig ninyeng Zera. 34 Tirigi Yobab niyaijo ngwig hon tu lene Husyam leu Teman ya luei nohoti bu. 35 Tirigi Husyam niyaijo ngwig hon tu lene Hadad leu Awit ya luei nohoti bu ba, nicig ninyeng Bedad. (Hadad dini ya kep bihwen mben Midian bimai bingwig tirigi ikon pran ei minu Moab.) 36 Tirigi Hadad niyaijo ngwig hon tu lene Samla leu Masreka ya luei nohoti bu. 37 Tirigi Samla niyaijo ngwig hon tu lene Saul leu Rehobot ei minyei nipimat ya luei nohoti bu. 38 Tirigi Saul niyaijo ngwig hon tu lene Baal-Hanan ya luei nohoti bu ba, nicig ninyeng Akbor. 39 Tirigi Baal-Hanan niyaijo ngwig hon tu lene Hadar leu Pahu ya luei nohoti bu. (Nitnem ninyeng Mehetabeel ba, Mehetabeel nipmem ninyeng Matred ba, nidrot ninyeng Mezahab.)