EBBALUWA
OYUDA
EGIYAWANDIIKIRE
Enyanjula
Ebbaluwa egibeeta eya Yuda bagiwaire liina lyʼomuwandiiki. OYuda alaga ati muganda wa Yaakobbo, omuganda wa Yesu. Ebbaluwa eenu, yagiwandikiire baabo oKibbumba oItewaiswe abeyayetere era abaataka, era abo oYesu Kurisito abaakuuma (1). Kyezyeka okubba ngʼebbaluwa eenu, bagiwandiikire oti mwanka gwa 60 nga bamalire okubyala oKurisito.
Ekigendererwakye omu kuwandiikira abaikirirya bonabona ebbaluwa eenu, niikwo okubalabula oku beegesi abʼobubbeyi ibo okutabaliibya (4). Ekyo akikola ngʼaijulira oku byabbairewo omu Ndagaano eNkaire. Omu bbaluwa eenu, ebiseego bingi bifaanana nʼebiri omu bbaluwa ya Peetero eyokubiri nʼokutwaliryamu okulabula oku beegesi bʼobubbeyi (Yud 4; 2 Pe 2:1) era nʼokwijulira oku bamalaika nʼoSodoma nʼoGomola.
Engeri egibyecaanamu
1. Okweyanjula 1-2
2. Okubalabula oku beegesi bʼobubbeyi 3-4
3. Ebyokuboneraku omu Ndagaano eNkaire 5-16.
4. Abalaabbira okusigala omu kwikirirya 17-23.
5. Okuwuuja oKibbumba 24-25.