Tundi : Yi bani yali n teni ke u tienu yedi ke yua n bua faala ba juori leni fala !

O jua n den ye ki ta puobilie .

o nikpelo n ma bonjayenga ki puobiga mo n ma bonjalalie.

O nikpelo n ya bua bani bila ta yeni kuli nani o bi marimu yeni ki ta o puolielo nani o biga.

Kali dayenli o puonikpelo den tua yua n kaa ye.

Li binli n ban lebidi o jua moko n kpe .

ki ji ha ki puobigaa leni a bila bebe ki sua ke a bila mo nan wa.

O calo den kpe ha ti yandi wamu leni yi kokoli.

Li ya fa ki kpienbiga n yagidi ki pagidi ti yandi ki gnuniba ki taani leni i kokoli kuli ki yuandi ta ti yandi ka ban ca ku yankpabaagu po .

o waamu wani yen tundi deni yo ki fuo .

o ya gedi ku yankpabaagu po o yen ban guni yi haani ki cua wadi ki teni o na puolielo ki ta yali n sieni ki bili ki kuari .

nane ko den yedi o na puolielo n ta yi haani ki kuari ki da o po o kokolo .

wan ta kuari yi haani wan ban da a yentunbina bonbuoli ki cua teni ki biga ki ye wan ga buli o mo naa niano ki ta buli ki suaggi leni o tuonhanli .

dayenli wan leni o waamu n didi den yaga wan ban piidi wula ki ta ban kua deni o na puolielo n ga ye ke o ya bila n piidi ki cuo ki biga ki pua ki teli o deni o mo n gna ki ban duani niinpo ku tugu kani .

lan ban yagi o gba ke yi yani yiini ki tuo wan dua naani kani.

Ja a fuapoli n pia li bikuoli ki : ja muyo muyomu canmuano tie loagu yo tabualima lie ki yedi yin cedi wan pundi nne.

Lane ki biga mo n cedi ban pundi o kani ki buali o ; nisaliboa biga be n cuana ne !.

wan ye n na puolielo ka teli nni min tieni o po yali o na buani ki nani nni lani lie yaali hani o na bua nni n ya tieni yali n bia wan niini nni.

Lane ke bi den yedi o wan da yagi o yama kelima wan tiedi o yali kuli ba fa tua o po baali yo.

A fuapola n yedi o ke bi bani ke o na puolielo den teni ke o buli a lena ke a loni hali hami ke o ya ba pua ya daali bi ba cua todi o , ke na ya yedi o ba yini nituaba wan da tuo.

Lan ban pundi puama wan buali o na puolielo ti nan ba tieni ledi yo.

Wan yedi o n ba gaani tigi bi niba n cua todi ti o mo n yedi o na n cedi ke pia yabi n ba todi o wan poa.

O na puolielo leni o bila wan ye den eki gba ke yi yani yiini ki tuo deni.

Ban ye jo gme n ba n nan yiini ke ti nua o ba.

Lan pugini waamu bi gba a gbala n to leni a ta tinda ki yani gbira leni mi cagnima.

Lane bi ya pua ya lenli lin kpandi ne , hane n kpandi yandi leni humbi .

bi gnani yo ki sua yi kaani kuli ne leni yandi leni humbi n lari caa.

Lane ke a lena yak e bi den buli ka bua wan ba den kpandi tua o po baali.

Li ya puoli o pua leni o bila pala den biidi ke bi sani gnani u dogu nni ki gedi die toama nn kani ke o ba ki bani.

Bi den ban tua nitua yonbi yo.

Laa tundi n yeni.

Poli den diani tiipo faala ki goa mabidi gnani diabiyenli ki gna fala ki yedi nisaboabiga yua n bua faala kuli ba juori leni fala yo.

.