Folipuoga n cilini i janbi lani teni bi tua ke a fola pia i janbi.

O jua n den ye ki ta folipola bonbilie ; o foljoa den pia halimani ha boncianla ; wan boagidi o halimano yeni o puoliediba .

To lanwani bi kuli n ma bonjala bonbilie ; laa di ye bi calo n kpe ha ba .

To halimani wani nan ye la .

Bi puoba yeni yendo biga den yi dramana .

La ye ca dramane leni o na naluogu n pili ki cie o lielo leni o ya biga.

Dramani na puolielo ninponbiadili n fi ; wan fi gedi o ñoagidaano po ki ban mia u ñoagu ke o ba kpa Dramani na.

Li moali n teni o wan cua kpari dramani na ñinboli nni ki tieni ke o ba kpa o .

dramani na n ño ki kpe be nan go .

wan fa ki ye ke o ba taa yi ne yeni ke o calo yabe ; wani n dieba.

Dramane mo n yie ki yedi ke o faali yo kelima bi kuli nan den boagidi dagine la tie ke o na kpe po ka ke o ba yedi wan fie ƙe o kan tuo.

Dramane mo n fi ki ban mia o sangbanlo ki cua buoli hali wan ban fandi.

O na puolielo n fi ki didi ban mia u ñoagu dramani moko ya po ke o ya ba kpa o nani wan den kpa o na mama yeni .

o sangbanlo n yadi cuo yi gogi ki yie o kan cedi.

Wan pundi o ñoagi daano kani wan yedi to n kpa biina ki yedi n ba ga li faali ke o bijua yie teni ñoagu to n ji bua ki ban kpa wani yo.

Li moali n ye too laa pia tagili.

Wan tagi u ñoagu teni o.

Ja wan ca ya yogunu o sangbanlo mo bali ki huado.

Wan ga u ñoagu ki goa kuni o sangbanli n bali huadi hali denpo.

Wan banpundi ; wan handi mi ñinpiema ki kpari u ñoagu ta tieni lieni o sangbanli mo n le.

Ki ña huadi o daano ku nakpabaagu nni ki yiini yedi :dramani taboalima o dramani dramani n ga o kumandagudayi ,hali ki banpundi dramani kani .

ki yedi o ke o ya pundi denpo ban teni o ya ñima bi !

ya je buolu kuli wan da je.

Dramani n kpena o na puolielo n kua ta ku ñinyebigu ki bibino .

wan yedi aa mi bua ki fi dari o nahanyebili ki guo ; ki gua duani.

Lan fa o na puolielo n goani o ñoagidaano kani ki yedi o ke li na cuoni kelima dramani na tuo ñuna.

Lane o ñoaagidaano n yedi ke wan kuni ke li ya ti juari o ba kpandi noangbarigu yo ki cua cuo dramani wani o ba .

wan didi goa kuni o sangbanli mo n ya hua.

O pua yeni n goa kuni o sangbanli didi sani ki ban wani o daano yali n bogida.

Ki yedi dramani ke dinla wan da duani ku na luogu nni .

kelima o ya duani li moali yeni ba kpandi cua ki cuo.

o pua den pia wan ha ya malima o ñoagidaano po ke o ya cua o ya biga n pini sakali kpalibu ; dramani mo telatela wan cuo wani .

dramani n duani ku ñiagu o sangbanlo mo lebidi bi kpalipinkadi ; o bono n cua.

Wan ta o na puolielobiga yeni ya biga wan kuudi yedi i na wan yaadi ki tama ke dramani yo ku noangu n tugi ki ya ban ca .

lan fa dramani mo n ya dua gmina wan gedi ban tongi mi jiema ki ya tama ke o biga n dua li kani wan cua yedi o ke wan fi je o mo bualo ke dramani dini yo , wan goa yedi ja dramani kpe ku ñiagu.

Lanyogu yo dramani n kaadi bu kpalibu o sua ke o biga ka wan tiani.

Yi tundi janbi tie tionbiare la hani.

.