Saul, Saul, bene te ho mɔ'ɛn nini tona mam bala?
9
1 Ge Saul daa sine ge kelom zegera te a ko' Yesu dɔlɔba la mɛ te keŋɛ malema nɛŋadaana la zen'en
2 ta yele en te a bo en gɔŋseko n wan bo en sore te a keŋɛ zamehegɔ yiya la n bo Damaskus teŋa poan la.
La a ta behɛ a han nyɛ' sɛba n dole Yesu Sore la,
boraa wo pɔka wo a nyɔgɛ ba tare ba keŋɛ Yerusalem teŋa poan.
3 Saul n boe sore zuo ye'a ta pɔnra Damaskus teŋa poan la,
bilam bilam te bugum wa nyakɛ saŋgbanɛ zuo nɛɛ en.
4 Te a lu' teŋa ge wom te konkore yɛta en na te,
Saul,
Saul,
bene te ho mɔ'ɛn nini tona mam bala?
5 Te Saul lebehe soke yeti,
Hon dela ane,
n Daana?
Te konkore la lebehe yele n yeti,
La dela mam,
Yesu te ho mɔ'ɛn nini tona bala.
6 Ihege la ho keŋɛ kɛn' teŋa la poan ge ba wan yele ho sɛla te ho wan eŋɛ.
7 Boraa se'ehe n dole Saul ye'a Damaskus teŋa poan la,
nya ze' mɛ yɛla.
Ka ta'an yelese'ere.
Ba wom konkore la n tɔgɛ la,
ge ba ka nyɛ' nɛra.
8 Saul n daa ihege la,
a pekɛ a nini ge a ka nyɛte.
Bilam te ba paɛ gurɛ a nu'o tare en keŋɛ Damaskus teŋa poan.
9 Ban daa tare en paɛ la,
dabeha atan' te Saul kelom ka nyɛta.
Dia ka tole a nɔɔrɛn bii a nyu' sɛla.
10 Yesu tontoneba la ayema n daa bo Damaskus teŋa poan te a yu'urɛ dela Ananias.
A daa boe mɛ ge nyɛ' liligere te Na'ayenɛ yɛta en te,
Ananias.
Te a sakɛ ge yeti,
N Daana Na'ayenɛ,
mam wana kalam.
11 Te Na'ayenɛ la le yele en yeti,
Maahom ho mea la ho keŋɛ zen'sɛka te ba yi'ira Tontɔɔ Palɛ la,
la ho kɛn' Yudas yire la poan.
Ho han kɛn' bini,
ho soke ba te ba pa'alɛ ho boraa n ze'ele Tarsus teŋa poan te a yu'urɛ de'a Saul.
A po'ohe mɛ ha,
12 a po'ohɛ ge nyɛ' liligere la poan te boraa yu'urɛ dela Ananias wa'ana dekɛ a nu'uhe pagalɛ a zuo te a le nyɛta yɛ'ɛha.
13 Te Ananias lebehe yeti,
N Daana Na'ayenɛ,
nɛra woo tɔgɔre boraa wa yele mɛ.
Ba yete a daa tom tonfɛn'ɛha bo ho nɛreba la n boe Yerusalem teŋa poan.
14 Ge te nananawa malema keendoma nya bo en sore te a wa'an Damaskus teŋa poan na te a nyɔkɛ sɛba woo n de ho nɛreba la.
15 Ge Na'ayenɛ sine ge kelom yele en yeti,
Keŋɛ,
ge mam loe en te a tona bɔ'ɔra mam ge la a mɔɔlɛ n yɛla bo Yudoma la sɛba n dagɛ Yudoma la,
la nadoma.
16 Ge mam mea me wan pa'alɛ en sɛla woo te a wan namehɛ mam zuo.
17 Te Ananias nya keŋɛ ta kɛn' yire la poan ge dekɛ a nu'uhe pagalɛ Saul zuo ge yele en yeti,
N sɔɔn Saul to Daana Yesu se'em n daa nɛɛ a mɛŋa pa'alɛ ho,
hon daa boe sore la zuo ye'a kalam na la,
n tom mam na.
Enŋa n yele mam te n wa'an na la n soŋɛ hɔ te ho le nyɛta ge te Yenɛ Sea la me wa'an ho zen'en na.
18 Bilam bilam te sɛla ane wo pɔgɔrɔ la ze'ele Saul nini la zɔngɛ na te a le nyɛta yɛ'ɛha.
Ge te a to'e ko'om soa
19 ge di' dia te a paŋa daa le lebe na.
Ge te a boe mɛ la Yesu nɛreba zen'en Damaskus teŋa poan te dabeha ka pɔ'ɛ.
20 A ne keŋɛ zamehegɔ yiya la poan ta pin'ilom mɔɔla te Yesu dela Yenɛ Dayɔa.
21 Sɛba woo n wom en te a yɛta bala la,
ze' la yɛle ge soke yeti,
Dagɛ boraa sɛka n daa boe Yerusalem teŋa poan koora sɛba n yi'ire Yesu mea la n bala?
A ka wa'an teŋa wa poan na te a nyɔkɛ ba tare lebe ta bo la malema keendoma la?
22 Ge Saul sine ge kelom kpe'em la a mɔɔlegɔ la poan.
A tɔgɛ nyaŋɛ Yudoma sɛba n boe Damaskus teŋa poan la te Yesu n daa de se'em ma'an te Yenɛ loe la.
N daa yele bala la,
ba ka ta'an lebehe se'ere.
23 Dabeha daa ka ba' pɔ'ɛ ge te Yudoma la lagahɛ taaba ɛ sɔrɔɔ te ba ko' Saul.
24 Ge Saul me wom ban zegere te ba eŋɛ n se'em la.
Ba gure teŋa la nayahe wontɛŋa la yu'uŋɔ zan'an te ba nyaŋɛ ko' en
25 te a zɔdoma dekɛ mi'inhe lo' pi'ɔ dekɛ en eŋɛ bini nya ɔnbegɛ en zo'e dangoone bahera en finfiinhe te a wa sige.
26 Te Saul keŋɛ la Yerusalem teŋa poan.
En paɛ bini la,
a zegere te a lagom mɛ la Yesu dɔlɔba la,
ge ba ka nam a yetɔgom te a de se'em te Yesu dɔlɔba ayema ge te dabeem me tara ba.
27 Ge te Barnabas nya soŋɛ tare en ta pa'ahɛ Yesu tontoneba la poan ge yele ba to Daana n nɛɛ a mea pa'alɛ Saul ge tɔgɛ bo en se'em.
A le yele ba Saul n daa kanbɛ suunre mɔɔlɛ Yesu yɛla bo Damaskus nɛreba se'em.
28 Bala te Saul nya dɔla ba Yerusalem teŋa bɔbɔrɛ woo kanbɛ suunre mɔɔla to Daana Yesu yɛla bɔ'ɔra nɛreba.
29 Saul le tɔgɔra ge ŋmɛ'ɛra nɔkpe'ene la sɛba n de Yudoma ge tɔgɔra Greek yetɔgom la,
ge te ba zegera te ba ko' en.
30 Ge Yesu po'oheba la n wom te ba yete te ba ko' Saul la,
ba tare en ta bahɛ la Kaesarea teŋa te a keŋɛ Tarsus teŋa poan.
31 Te bama n tare nɔyenɛ Yesu sore poan la ge bɔna Yudea la Galilee la Samaria teŋhe poan la nya ka le nyɛ' namehegɔ.
Nɛreba zo'e zo'e me sakɛ bo Yesu ge bɔ'ɔra Na'ayenɛ na'ahegɔ,
Yenɛ Sea n soŋɛ ba la zuo.
Te kum la pekɛ a nini nyɛ' Peter vaɛ ihege zin'ire
32 Peter la n daa dole kaara la teŋhe woo paɛ te a behɛ Yesu nɛreba la n boe Lidda teŋa poan la.
33 Bilam te a nyɛ' boraa kayema.
Boraa wa iŋa ki' mɛ te a kɔ'ɔn gan'an mɛ yuuma anii ge ka ihege.
A yu'urɛ dela Aeneas.
34 Te Peter yele en yeti,
Aeneas,
Yesu Krista n bahɛ ho te ho eŋɛ som.
Bala la,
ihege la ho vaɛ ho soŋɔ.
Bilam bilam te boraa wa ihege saazuo de'a a mea.
35 Ge sɛba woo n bo Lidda la Saron teŋhe poan wa n nyɛ' boraa wa la,
tuluge ba potɛn'ɛrɛ doohe Yesu.
36 Yesu dɔlɔba ayema n boe Yoppa teŋa poan te a yu'urɛ dela Tabita.
Dorkas n de ka Greek yu'urɛ.
A dela pɔka ge a me daa tone la sɛla n ane soŋa ge soŋora nahadoma.
37 Bala ma'an ha la te a bɛn' ki' te ba sɔ en tare en ta biŋe deo te ba ne lo'ehe kura ta paɛ kɔ poan.
38 Yesu nɛreba basɛba bo la Yoppa teŋa poan.
Ban ta wom te Peter bo la Lidda teŋa poan la,
ba tom boraahe seyi' te ba keŋɛ ta yi' en te a wa'an tɔtɔ tɔtɔ na.
Yoppa me ka ba zaan la Lidda teŋa poan.
39 Bilam te Peter maahom a mea doohe boraahe seyi' la lebe Yoppa teŋa poan.
Ban paɛ la,
ba tare en lo'ehe la kura ta paɛ la deseko n boe saazuo la poan.
En kɛn' bini la,
pɔkɔnpa la zan'an kae en bahɛ la teŋasoka kaaha ge pa'ala fuseto te Dorkas daa wogɔ ge ki' wa.
40 Te Peter bahɛ te ba zan'an yehe bɔ'ɔ la poan ge ta dɔnbelɛ teŋa belom Yenɛ ge nya ŋmɛregɛ yele kum la yeti,
Tabita,
ihege.
Te kum la pekɛ a nini nyɛ' Peter vaɛ ihege zin'ire.
41 Te Peter paɛ soŋɛ gurɛ en te a ihege saazuo.
Ge te Peter nya yi' Yesu nɛreba la pɔkɔnpa la te ba kɛn' na.
Te a dekɛ pɔka la bo ba.
42 Yele la n yeregɛ Yoppa teŋa bɔbɔrɛ woo la,
nɛreba zo'e zo'e sakɛ bo Yesu.
43 Ge te Peter yare bɔna mɛ la gbanzaba ayema n boe Yoppa teŋa poan te a yu'urɛ dela Simon.
Peter boe boraa wa zen'en te dabeha ka pɔ'ɛ.