Ya zan'an wan sagom
13
1 Bala ma'an me la nɛreba basɛba me daa boe bini daa yele Yesu yɛhera Galilee teŋa nɛreba basɛba yɛla.
Ba yele en te nɛrebana wa bo bini koora la ba dunhe bɔ'ɔra Na'ayenɛ ge te Naba Pilate bahɛ te ba ko' ba.
Te ba ziim gɛnregɛ la dunhe ziim la.
2 Te Yesu lebehe yele ba yeti,
Da tɛn'ɛhe ya te Galilee nɛrebana wa ba' de'a la toonbe'erodoma gana Galilee nɛresɛba n gee la zuo n sɔe te ba ko' ba la.
3 Yelemɛŋɛrɛ,
la dagɛ bala.
Ge han dɛna yamam ya han ka tee ya potɛn'ɛra ya mɛhe ya yelebe'ero poan,
ya zan'an wan sagom.
4 Da le tɛn'ɛhe ya te nɛreba pia la banii la n yuun ki' la te Siloam teŋa dangoonwoko wogɛ yuun lu' ba zuo na ko' ba la toonbe'ero yuun ba' zo'e mɛ gana nɛresɛba n yuun ge bɔna Yerusalem teŋa poan la.
5 Yelemɛŋɛrɛ,
la dagɛ bala.
Ge han dena ya mam,
ya han ka tee ya potɛn'ɛrɛ ya mɛhe ya yelebe'ero poan,
ya zan'an wan sagom.
6 Yesu n nya makɛ la makerɛ bo ba te,
Boraa kayema n daa boe sɛ' a kenkaŋa a va'am me.
Kenkaŋa la n ta zo'e la,
boraa wa keŋɛ a kenkaŋa wa poan te a ɛ mu'uro.
Ge a ka nyɛ' la mu'o koyema me.
7 Bala te a yele se'em n behere a va'am la yeti,
behɛ,
yuuma atan' n wana te n ne wa'an kenkaŋa wa poan na ɛɛra mu'uro.
Ge n ka nyɛte mu'o la koyena me.
Dene poan ŋma' ka bahɛ te ka ze' bini la yoo.
8 Te se'em n behere a va'am la lebehe yele en te,
naa,
bahɛ te ka ze'a bini yuun dena wa pa'ahɛ.
Ge n wan gae boko kae ka ge eŋɛ bugulugo eŋɛ bini.
9 Te ka han wom yuunse'ere n kene na la,
la wan ane soŋa.
Ge ka han ka wom ho nya ta'an ŋma' ka bahɛ.
10 Vo'ohogo Daarɛ Yesu daa wa pa'ala la zamehegɔ yire koyema.
11 Te pɔka kayema bɔna bini te bonbe'a se'em n bahere te nɛreba bɛn'ɛnra la tona la ka.
Pɔka wa bɛn' la yuun pia la anii ge nyuunre ka ta'ana tɛnra tontɔɔ.
12 Te Yesu n nyɛ' ka la,
a yi' ka yeti,
N ma,
ho ban'an la bahɛ ya.
13 En yele ka bala la,
a nya dekɛ la a nu'uhen pagalɛ ka zuo.
Te bilam bilam te ka daa tana tɛnra tontɔɔ ge daa pɛngɛ Na'ayenɛ.
14 Ge zamehegɔ yire la zuodaana daa eŋɛ suunre la Yesu n tebɛ Vo'ohogo Daarɛ la.
Bala te a yele nɛreba la n boe bini la te,
Dabeha ayoobe ma'an te la sona te to tona.
Bala hon se'em n bote ba tebɛ hɔ ta'an wa'an dabeha aŋa poan na,
ge dagɛ Vo'ohogo Daarɛ.
15 Depooren te to Daana lebehe yele en te,
Ya dela birikɔgɔdoma,
ya ane n ka loregere a nahɔ bii a bɔŋa nagadeene Vo'ohogo Daarɛ pɛ'ɛra yɛhera te a ta nyuuhe?
16 Ge pɔka wa te n tebɛ wa dela to sɔyaaba Abraham yaaŋa te Dima tona la ka yuun pia la anii.
Bala la ka sone te n tebɛ ka Vo'ohogo Daarɛ te a vo'ohe a ban'an la poan?
17 Yesu n yele dena wa la,
valom daa nyɔkɛ a diŋdoma la woo mɛ.
Ge nɛrekooŋɔ la tare popeelom la Yesu n eŋɛ yele ana wa te a tare pɛnka la zuo.
18 Yesu nya le yeti,
Ya mi' Na'ayenɛ Sɔ'ɔlom n ane se'em?
Bahɛ ya te n yele ya.
19 De an me wo boraa n dekɛ biileho n de bonpeka biila woo poan borɛ a va'am me.
Te n borɛ n bala la,
biileho la yehe zo'e lebege tikantɛ te niihe kena tɛ'ɛra ba togoro ko yila poan.
20 A le yeti,
Na'ayenɛ Sɔ'ɔlom la n le ana se'em n wana:
21 de ane me wo mi'ihom.
Te pɔka makɛ la zom laahe setan' nya ŋmɛ' gɛregɛ la mi'ihom la te bo ihege se'em la.
Kpeŋe ya mɛhe doohe zanɔɔrɛ mika
22 Yesu n daa tɔgɛ bo nɛreba la ba'ahɛ la,
a bahɛ bilam mɛ ge keŋɛ.
A kene dɔla la teŋkanra la teŋbibihe poan pa'ala nɛreba ge kena tɔɔra Yerusalem teŋa bɔba.
23 Te nɛra ayema soke en yeti,
To Daana,
sɛba te Na'ayenɛ wan fan' bahɛ la wan de'a fiin wa?
Te a lebehe yele ba te,
24 Kpeŋe ya mɛhe doohe zanɔɔrɛ mika la kɛn' Na'ayenɛ Sɔ'ɔlom la poan.
Te n yeti ya la yelemɛŋɛrɛ wa.
Te nɛreba zo'e zo'e wan ta mɔ'ɛ nini ɛɛra ba kɛn' bini.
Ge ba kan nyaŋɛ kɛn'.
25 Ge te bala ma'an la yiredaana la han ta ihege pagɛ nayaŋa la,
ya nya wan nyɛ' te ya mɛhe ze' la yeŋa.
Ya wan ze'a bala ge ŋmɛ'ɛra nayaŋa la ge yɛta te,
To Daana yu'ɛ bo to te to kɛn'.
Ge n wan lebehe yele ya te,
Aai,
mam ka mi' yan ze'ele zen'en na.
26 Bilam te ya nya wan pin'ilom yɛta te,
To dite ge nyuura la hɔ ge te ho daa pa'ala tɔ sɔrɔtɔ zuto.
27 Ge a wan yeti,
Mam yete ya la yelemɛŋɛrɛ wa.
Mam ka mi' yan ze'ele zen'en na.
Yamam toonbe'erodoma wa,
keŋɛ ya n zen'en.
28 Bilam,
te ya wan kaahɛ ge obe ya nyɛna.
Depooren ya han ta nyɛ' te Abraham,
la Isaak,
la Yakob la nɔtɔgɔheba la woo te ba bɔna Na'ayenɛ Sɔ'ɔlom la poan,
ge yamam kan nyaŋɛ kɛn'.
29 Ge te ya nya wan nyɛ' te nɛreba woo yehe bɔbɔre woo wa'an na zin'an Na'ayenɛ Sɔ'ɔlom la poan dita.
30 Dena wa dela yelemɛŋɛrɛ te sɛba n de yiadoma la wan de'a poorendoma ge te sɛba n de poorendoma me wan tee de'a yiadoma.
31 Ge Yesu n daa tɔgɛ dena wa ba'ahɛ la,
Pariseedoma basɛba n wa'an na kan'an en te,
Keŋɛ kalam te Naba Herod n bote a ko' hɔ.
32 Te a lebehe yele ba te,
Lebe ya la ya ta yele peenhɔ la te mam n yete en na te,
behɛ mam dige bonbɛ'ɛhe nɛreba zen'enhe ge tebɛ nɛreba dabeha fiin wa,
ge te n tooma ba'ahegɔ dabaherɛ paɛ.
33 Bala zuo,
la sontii n kena zina la beere la daarɛ.
Ge ba kan ta'an ko' nɔtɔgɔheba teŋsɛka poan han dagana la Yerusalem teŋa poan ma'an.
34 Wae!
Yamam Yerusalem teŋa nɛreba wa,
yuuma woo ya ne ko' nɔtɔgɔheba mɛ ge lobe basɛba te a tom ya zen'en na me la kuga.
Bala,
te mam me kɔ'ɔn pon bɔta te n kan'anhe ya la n behera ya soŋa soŋa wo noa n kan'anhere a kɔma umta se'em la.
Ge ya ka sakɛ te n eŋɛ bala.
35 Depooren,
Na'ayenɛ wan bahɛ zen'an te ya bɔna la bo ya ya ma'an.
Ge n yete ya la yelemɛŋɛrɛ wa.
Te ya kan nyɛ' mam han dagana la daanden daarɛ te ya ta yɛta,
Kan'somɔ boe mɛ la se'em n dekɛ Na'ayenɛ yu'urɛ la wa'ana la.