5
1 Yerusalem teŋa wa, maahom ho pɛɛntɛɛnreba la ge teŋhe n pon bɛnrɛ gura hɔ. Ba wan ta dekɛ doore ŋmɛ' Israel keema la sapɛnka.Ge hom Betlehem Eprata teŋa wa
2 Ge hom Betlehem Eprata teŋa wa, hom n de teŋbila Yuda teŋhe woo poan. Ge se'em n yeti a dɛna Israel zan'an Naba la wan yehe la hom poan na bo mam.a A tuunhom pon bɔna la deemen deemen ha. 3 Bala zuo, Israel kan dɛna sɛla gura te pugusɛka n tare poorɛ la ta dɔgɛ bia wa, bala ma'an te a sɔɔnrɔ la lebena lagom la ba Israel taaba la. 4 A wan ze'ele la Na'ayenɛ paŋa poan behɛ a piihe la. A wan ze'ele la Na'ayenɛ a Yenɛ la yu'urɛ kantɛ la poan, te sɛsɛla ka bɔna wan daam ba. Se'ere n sɔe la, a kpe'eŋo wan paɛ teŋa wa zen'an woo. 5 Enŋa n wan dɛna ba sunma'ahom. Asiria teŋa han ta wa'ana gilige to teŋa wa, kɛn' ka poan na, te wan bahɛ te guruba bayopɔe na, nɛŋadoma banii wan ihege zabɛ la ba. 6 Ba wan zabɛ la Asiria ta kɛn' Nimrod teŋa. Asiria han ta maahom wa'ana gilige to teŋa wa mum, Naba la wan fan' tɔ a nu'uhen bahɛ. 7 Yakob nɛresɛba n wan ge fiin la han bɔna nɛreba teŋasoka, ba wan ana wo Na'ayenɛ n bahɛ te mɛgelom bii saa niira ge ka gu'uha nɛra se'em la. 8 Yakob yiredoma sɛba n ge fiin la wan bɔna teŋa wa zuo zen'an woo, ba wan bɔna nɛreba poan ana wo gbegenɛ n boe mɔen dunhe teŋasoka la, ba wan bɔna la nɛreba wo gbegenɛ paalega n bo pinhi poan nɛɛra ge aanhena ba te nɛra ka bɔna wan to'e bahɛ. 9 Ho wan kpe'em gana ho diŋdoma. Ho wan sagom ho bɛ'ɛba zan'an.
10 Na'ayenɛ yeti, Daanden daarɛ, n wan sagom ya yiri la ya yiri toroto la te ya tara la bahɛ. 11 N wan sagom ya teŋkanra la bahɛ, ge gbirige ya pɛɛntɛɛnreba boŋa zen'enhe la bahɛ. 12 N wan sagom ya son tooma la bahɛ ge te bakolo kan le pota ya poan.b 13 N wan sagom ya baga la te ya maalɛ la ya toolom kuga la n boe ya zen'an la bahɛ, ya kan le na'aha ya mɛhe nu'uhe n maalɛ sɛla la. 14 N wan vɔn' Aserah baga dɔɔrɔ la te ya degehɛ sɛ sɛ la bahɛ, gee saalom ya teŋkanra la bahɛ. 15 N wan lebehe yɔ ya la sunsunyiim bo teŋse'ehe n ka nam mam la.