Israel zagaha som mɛ
8
1 Dekɛ tentanɛ la tugele ho nɔɔrɛn. Ziio n yage Na'ayenɛ Yire la zuo. Se'ere n sɔe la, mam nɛreba la ganlom mam nɔbiŋere la mɛ, ge bire ba pɔya sagom mam pa'alegɔ la. 2 Israel kaahere mɛ yi'ira mam yeti, to Yenɛ wa, tomam Israeldoma mi' la hom. 3 Israel zagaha som mɛ. Bala, diŋdaana la wan dige ba.4 Ba mɛhe n bobere ba nadoma ka sokere mam, lɔɔha ba nibiihe ta mam ka mina. Dekɛ ba sanlenpeelega, la ba sanlema, kure baga, nya sagom ba mɛŋa. 5 Samaria, mam ka bote ho nagabila bagarɛ la. Mam suunre dite mɛ wo bugum la, la ho baga la.a Wane ma'an te ya wan lebege nɛresoma? 6 Ya dela Israeldoma. Asaala n maalɛ nagabila bagarɛ wa. Samaria teŋa nagabila bagarɛ wa wan wɔnrɛ bura bura.
7 Ba borɛ la sabeeo ba wan kɛ' saabeeokeŋɔ! Kenkanya la ze' la yoo, a kan eŋɛ zuto. A han pon eŋɛ zuto, saama wan obe ba. 8 Ba vole Israel mɛ, a nya yeregɛ bɔna la teŋhe poan, ana wo sɛla n ka tare vɔnrɛ la.
9 Se'ere n sɔe la, ba keŋɛ zom Asiria poan mɛ ha, wo mɔen boŋa n tuuni ka ma'an la. Te Epraim me koohe a mɛŋa bo zabadoma.
10 La ban pon koohe ba mɛhe bo teŋhe la, n wan doohe gan'ahɛ ba lagom taaba. La ka yuue, la teŋhe nakanreba la kpɛ'ɛndoma wɔnrɛ ya te ya mɛlom mɛ.
11 Epraim mɛ la kaanbegɔ zen'enhe kekeko, ge ba lebege be'emtooma zen'enhe. 12 La mam n pon golehɛ n pa'alegɔ la yɛla zo'e se'em bo en la, ba dela yele saanɛ bo en. 13 La ban pon tara bo'olom somɔ kaanbere la, ge dita kaanbegɔ dia la, Na'ayenɛ ka to'e ba. N wan tɛɛn ba be'em la, la n namehɛ ba de zuo. Ba wan zɔ lebe Mizraim. 14 Israel tamɛ a Naana la mɛ, ge mɛ' a yikanra. Yuda me mɛ' teŋkanra kekeko te dangoone kae se, ge n wan tom bugum bahɛ ba teŋhe la zuto na, te bo di a soka zen'enhe la.