15
1 Na'ayenɛ tɔgɛ bo mam yeti, 2 Asaala dayɔa wa, tia tile dɔɔrɔ ane soŋa la wane gana tia yoo n boe mɔen poan ha yile dɔɔrɔ? 3 Ba tare tia tile dɔɔrɔ wa maala la bene te la tara zuo? Ba tare tia tile dɔɔrɔ wa pɛɛha la kpa'ahe yageta lɔgɔrɔ bii? 4 Ge ba han deŋe dekɛ tia tile dɔɔrɔ wa tuhe bugum poan te to di ta ba'ahɛ, ho le ho dekɛ bene bini eŋɛ sɛla? 5 Dɔɔ la n nan de dɔɔ mune la han ka nyaŋɛ eŋɛ sɛla, ko nya han di bugum ta ba'ahɛ, ko eŋɛ la wane ta'an dekɛ eŋɛ sɛla n ane soŋa?6 Bala zuo, Daana Na'ayenɛ la n yele se'em n wana: Wo mam n gaŋɛ tia wa tiihe woo n boe mɔɔ poan ge sina ge dekɛ ka tile toorɛ bugum wa, bala mea te n dekɛ eŋɛ nɛresɛba n kɛn'ɛre Yerusalem teŋa wa poan wa. 7 N wan mɔ'ɛ n nini la ya, te ban pon ze'ele bugum la poan pɛɛn yehe na la, bugum la wan sina ge de a. N han mɔ'ɛ n nini la ba, ya wan baŋɛ te mam n de Na'ayenɛ la. 8 N wan piie teŋa la zan'an te sɛsɛla kan bɔna ka poan. Se'ere zuo, ba ka tare sakerɛ sera la mam. Daana Na'ayenɛ la n yele.