Yooma 137

Babilon kolaahe la poan, te tomam ta zin'an tɛɛn Zion yele, kele

1 Babilon kolaahe la poan, te tomam ta zin'an tɛɛn Zion yele, kele. 2 Teŋa mea tiihe la zuo, to lo yule to kɔnlɔ. 3 Bilam te sɛba n nyɔkɛ to la ta sɔkera tɔ yooma yele. Bilam te sɛba n mɛlɛhe to la, ta ɛɛra to yoon nyeema yooma bo ba, sɔkera to yeti, Yoon ya Zion yoon nyɛnlehe la deyema bo to.

4 Tomam wan eŋɛ la wane yoona Na'ayenɛ yooma wa, ge bɔna nɛreba basɛba teŋa? 5 Mam han tamɛ hom Yerusalem yele, n zuɔ nu'o wa me tamɛ ko toonɛ. 6 Mam han tamɛ ho yele, mam han ka tɛnra Yerusalem dɛna mam nyeema lɔkɔ, bahɛ te n zɛleŋa tabɛ tabɛ n nɔɔrɛn ha.

7 Na'ayenɛ, tɛnra Edomdoma n wa eŋɛ se'em, Yerusalem lu'a daarɛ la. Ba daa tanhere mɛ yeti, Wɔnrɛ ya ka bahɛ, wɔnrɛ ka paɛ ka ɛnberɛ!

8 Babilon pɔgɔsa'arɛ se'ere n boe sagaŋɔ poan wa, se'emdaana n wan lerege ho, poorɛ wan pee, hom eŋɛ tomam la zuo. 9 Se'emdaana n nyɔkɛ ho kɔmbilɛɛhe, fɔnbɛ ba tanhe zuto la, poorɛ wan pee.