Kan'an boe mɛ la sɛba n zote Na'ayenɛ
128
1 Kan'an boe mɛ la sɛba n zote Na'ayenɛ, sɛba n dole a sɔrɔtɔ poan. 2 Ho wan di ba murugere lɔgɔrɔ, te kan'aŋɔ la tarega dɛna ho denɛ. 3 Ho pɔga wan ana wo tia n sakɛ waŋa la, ho yire poan. Ho dayɔɔhe ana wo tisoŋa wɔla la kae hɔ dita. 4 Kan'an sɛka n boe se'em n zote Na'ayenɛ yu'urɛ la zuo en bala. 5 Na'ayenɛ ze'ele Zion zuo, kan'ara baha ho zuo ho vom dabeha woo poan na, te ho nyɛ Yerusalem panrega. 6 Ho wan vɔna, ta nyɛ ho kɔma me kɔma. Sunma'ahom bɔna la Israel.