Sɛba n dele Na'ayenɛ ane mɛ wo Zion Zoore la
125
1 Sɛba n dele Na'ayenɛ ane mɛ wo Zion Zoore la. De ka miine, ge de ze' la kaŋkaŋe yɛ'ɛha. 2 Wo zɔya n kae Yerusalem se'em la, bala mea te Na'ayenɛ kae a nɛreba nananawa kɔ'ɔn yɛ'ɛha. 3 Toonfɛn'ɛhadoma na'am dɔɔ kan ta'an yee teŋsɛka n tɔnrɛ bo tontɔɔdoma la behera. A han yee, la wan bahɛ te tontɔɔdoma la kɛn' be'em poan. 4 Na'ayenɛ, eta som bɔ'ɔra sɛba n de nɛresoma, sɛba sunya n de tontɔɔ. 5 Ge sɛba n dole be'em sore la, Na'ayenɛ wan sagom bama la toonbe'erodoma la. Sunma'ahom bɔna la Israel.