Popeelom boe la hom se'emdaana n zote Na'ayenɛ
112
1 Pɛngɛ Na'ayenɛ! Popeelom boe la hom se'emdaana n zote Na'ayenɛ, ge nɔŋɛ a nɔze'elego la. 2 A daana kɔma wan dɛna kpɛ'ɛndoma teŋa la poan. Tontɔɔdoma kɔma nyɛte la kan'an. 3 Lɔgɔrɔ la na'am boe a yire mɛ, te a tontɔɔ vom ka tara ba'ahegɔ. 4 La han pon dɛna lika, bugum wan nɛɛ bo se'em n ze' ma'an, se'em n tare som, ninbɔn'zɔta, la tontɔɔ vom daana mɛ. 5 Som en dole se'em n bo'ore nahadoma la a suunre zan'an, la hom se'em n ete ho yɛla yelemɛŋɛrɛ. 6 Yelemɛŋɛrɛ, a kan malom miim. Tontɔɔdaana yele ka malom tamena. 7 Ba paleŋa ka ɛngere la paleŋ'ɛnka yele. A suunre sɛ mɛ kaŋkaŋe, nam Na'ayenɛ. 8 A suunre gan' la ma'ahom poan, dabeem ka tare en. Ba'ahegɔ zan'an, a ne nyaŋɛ a diŋdoma mɛ. 9 A bo'ore nahadoma mɛ la a suunre zan'an, te a tontɔɔ vom la ka tara ba'ahegɔ. A wan tara paŋa la na'ahegɔ. 10 Toonfɛn'ɛhadaana wan nyɛ eŋɛ suunre. A wan obe a nyɛna ta bahɛ yoo. Toonfɛn'ɛhadoma sunboolom bahera la yoo.