Na'ayenɛ n sɔe zan'an
93
1 Na'ayenɛ n sɔe zan'an, a bagɛ mɛ la na'am kpe'eŋo. Na'ayenɛ bagɛ mɛ la na'am kpe'eŋo, te paŋa kae en mum. Teŋparɛ wa sɛ ze'ele mɛ kaŋkaŋe ka miina. 2 Hom na'am gɔŋɔ wa pon bɔna wonse'eren mɛ ha. Hom boe mɛ ka tara ba'ahegɔ. 3 Na'ayenɛ, Ko'kanra la perɛ mɛ paahom, Te ko'kanrɛ la ko'mi'inhe la ŋmɛ'ɛre paŋa paŋa bahera na. 4 A kpe'em gana ko'mi'inhe kanra en ŋmɛ'ɛre la. A kpe'em mɛ gana ko'mi'inhe kanra la en ŋmɛ'ɛre damana paŋa paŋa la. Na'ayenɛ n boe zuin ha la en kpe'em gana zan'an. 5 Na'ayenɛ, ho pa'alegɔ la ze' la kaŋkaŋe. Fa'a bɔŋa ma'an n perɛ hom Na'ayenɛ yire la ka tara ba'ahegɔ.