Na'ayenɛ ze'ele a ɛnberɛ la a toolom zɔya la zuo
87
1 Na'ayenɛ ze'ele a ɛnberɛ la a toolom zɔya la zuo. 2 Na'ayenɛ nɔŋɛ la Zion gana Yakob teŋhe wa woo. 3 Yenɛ teŋa wa, yelesoma ma'an en tɔgɛ bahɛ ho zuo. 4 Mam tɛnre Arahab la Babilon, te ba dela teŋhe en mi' mam. N dekɛ Pilistia la Tire, ta pa'ahɛ Kus, ge ba woo mi' te ba dɔgɛ ba la Zion. 5 Ba wan tɔgɔra Zion yeti, ba dɔgɛ ena, la ena la ka poan. Zaba nɛŋadaana la mɛŋa wan sɛ Zion ze'ele. 6 Na'ayenɛ wan golehɛ nɛreba gɔnɔ poan, se'em te ba dɔgɛ en Zion teŋa poan. 7 Ba han yoona bii pɛɛbera yiihe, ban wan yoona yeti, Zion n de mam nyeema bulega.