Paŋadaana wa, bene te hom tara be'emtooma ŋmɛ'ɛra ho nyɔn'ɔn?
52
1 Paŋadaana wa, bene te hom tara be'emtooma ŋmɛ'ɛra ho nyɔn'ɔn? Bene te hom ŋmɛ'ɛra ho nyɔn'ɔn daarɛ woo wa? Na'ayenɛ nɔŋerɛ kantɛ la boe mɛ daarɛ woo. 2 Ho maahene la sagaŋɔ. Ho zɛleŋa dita mɛ wo baraga la, ho dela ponpɔrɔma. 3 Ho nɔɔrɛ la be'em gana som, ge nɔŋɛ ponpɔrɔŋɔ gana sera. 4 Ho nɔŋɛ la yelese'a n dite sagona wo bugum la. Ho nɔɔrɛ la mi' la ponpɔrɔŋɔ. 5 Ge Yenɛ wan bahɛ te ho lu kan malom ihege. A wan aanhom hɔ ho kɛn'an zen'an poan. A wan vɔn' hɔ vɔpa poan bahɛ. 6 Tontɔɔdoma la wan nyɛ wana, te dabeem kɛn' ba, ge te ba la'ara yelebe'erodoma wa, ge yɛta yeti, 7 Behɛ, se'emdaana en ka sogɛ a mɛŋa Yenɛ zen'an, ge ton dɛla a tarega poan, ge kpe'em la a suunre n bote yelebe'seto la en bala. 8 Ge mam ana mɛ wo kaam tia la Yenɛ yire la poan. Mam dekɛ n mɛŋa delom la Yenɛ nɔŋerɛ kantɛ la kɔ'ɔn yɛ'ɛha. 9 Mam wan po'ohɛ ho la bala yɛ'ɛha, la hom en tom se'em la. Mam wan ze'ele birikindoma lagaŋɔ teŋasoka pɛngɛ ho yu'urɛ la. Se'ere n sɔe la ho yu'urɛ la dela som.