Na'ayenɛ konkore
29
1 Pɛngɛ Na'ayenɛ, Yenɛ soŋoreba. Pɛngɛ Na'ayenɛ la na'ahegɔ la paŋa. 2 Pɛngɛ ya Na'ayenɛ yu'urɛ soŋa wa. Ze'ele ya fa'a po'ohe Na'ayenɛ wa.3 Na'ayenɛ konkore n damene ko'kantɛ poan. Soŋa Yenɛ la n bala tanhera wa. Na'ayenɛ n tanhera ko'kanra wa. 4 Na'ayenɛ konkore tare la paŋa. Na'ayenɛ konkore tare la na'am. 5 Na'ayenɛ konkore n kɔ'ɔrɛ mɔlɔsonɔ tiihe la. A kɔ'ɔrɛ Lebanon mɔlɔsonɔ tiihe la. 6 Na'ayenɛ n bahɛ Lebanon teŋa engera kiha wo nagabila la. Te Sirion teŋa me ana wo mɔen nahɔ la. 7 Na'ayenɛ han tɔgɔra, bugum n ne nyagera. 8 Na'ayenɛ han tɔgɔra, mɔen zan'an ne damana mɛ. Na'ayenɛ konkore n damenɛ Kades teŋa mɔen la. 9 Na'ayenɛ konkore n sa'ahɛ koonrɔ, ge baha te tiihe soora, te a Yire la poan perɛ la pɛnka.