Sunsagaŋɔ ma'an n perɛ mam
6
1 Na'ayenɛ, da ze'ele ho suunre n nyie la mam se'em la poan namehɛ mam, bii ho ze'ele ho sunsunyiim la poan donlegɛ n toberɛ. 2 Na'ayenɛ, zɔ n ninbɔn'ɔn. Se'ere n sɔe la, mam nya kɔ'ɔn pabegɛ la zan'an. Bo' ma paŋa, ge n giinla kɔ'ɔhɛ la zan'an, te paŋa la fiin wa ka bɔna n poan. 3 Sunsagaŋɔ ma'an n perɛ mam. Na'ayenɛ, daan dene te ho wa'an soŋera mam?4 Na'ayenɛ, ŋmɛregɛ fan' mam bahɛ. Fan' mam bahɛ ho zo'ohogɔ zuo. 5 Se'ere n sɔe la, ho ka tare pɛnka ke'endoma poan. Ane n wan bɔna bilam ge pɛngera hom? 6 Ɛnregɔ ma'an n koore mam, n han kɛn' yu'uŋɔ te n gan'arɛ. Nintam ma'an ne buhege n soŋɔ la n dafeere vɛra. 7 Ɛnregɔ, la koonɔ ma'an n bahɛ te mam nini wa vibe. Mam diŋdoma etegɔ wa bahɛ te mam kele mɛ te mam nini ka le nyɛta.