N wan gan'arɛ ginhe ge le ihege soŋa
3
1 Na'ayenɛ, n diŋdoma wa zo'e mɛ! Ba lɛ n ihege zɛ' a te ba zabɛ la ma. 2 Ba zo'e zo'e tɔgɔre mam yeti, Yenɛ kan fan' en. 3 Ge hom Na'ayenɛ n de mam tɛ'ɛlega, kae mam mum. Hom n ka'are som bahera mam zuo na, ge zɛnkera mam zuo. 4 Mam kaahere bɔ'ɔra la hom Na'ayenɛ wa. A wan bɔna a mɛŋa zoore la zuo, ge lebehe bo mam na. 5 N gan'arɛ ginhe ge le ihege soŋa. Se'ere n sɔe la, Na'ayenɛ la n gure mam. 6 N kan zɔ tuha pia pia wa n kae mam mum zen'an woo te ba zabɛ la mam wa. 7 Na'ayenɛ, ihege saazuo Yenɛ, fan' mam. Wɔnrɛ n diŋdoma wa kareyɛɛhe. Kɔ' potɔpa wa nyɛna. 8 Faanrɛ ze'ele la Na'ayenɛ la zen'an na. Ho kan' somɔ wan bɔna ho nɛreba zuo.