24
1 Aron dayɔɔhe yaahe yizuto dela Nadab la Abihu la Eleazar la Itamar. 2 Nadab la Abihu n ki te ba sɔ nan zin' te ba ka tare dayɔɔhe. Eleazar la Itamar dɛna malemadoma.a 3 David la Eleazar yaaŋa Zadok la Itamar yaaŋa Ahimelek n bo ba wa woo ba tooma ba tooma. 4 Ge yizuto keendoma zo'e Eleazar yaahe la poan gana Itamar yaahe la. Ban tɔnrɛ ba se'em n dela Eleazar yizuto tare keendoma pia la bayoobe, te Itamar yaahe la tara keendoma banii. 5 Ba ŋmɛ' la gbaŋa tɔnrɛ yizuo woo la ko keema n de se'em bo ba zan'an. Kpɛ'ɛndoma basɛba bɔna toolom zen'an la poan ge basɛba me bɔna Eleazar la Itamar yaahe la poan na. 6 Levi nɛra Netanel dayɔa Semei n de gɔŋɔ goleha la ze'ele naba David la nɛŋadoma la malemadaana Zadok la Abiatar dayɔa Abimelek la malemadoma la Levidoma keendoma la zan'an nɛŋan golehɛ ba yu'ura.7 Yia gbaŋa la loe la Yehoiarib, yi'i Yedaiah, 8 tan' Harim, naahe Seorim, 9 nuu Malkiya, yoobe Miyamin, 10 yopɔe Hakoz, nii Abiya, 11 wae' Yesua, pia Sekania, 12 pia la ayema Eliasib, pia la yi Yakim, 13 pia la atan' Hupa, pia la anaahe Yesebeab, 14 pia la anuu Bilga, pia la yoobe Imer, 15 pia la ayopɔe Hezir, pia la nii Hapizez, 16 pia la awae' Petahia, pihiyi' Yehezkel, 17 pihiyi' la ayema Yakin, pihiyi' la bayi' Gamul, 18 pihiyi' la batan' Delaiah, pihiyi' la anaahe Maazia. 19 Bana zan'an te ba yuuma dabaherɛ se'a te ba daa toona Yenɛ Yire la poan, doohe la Na'ayenɛ Israel Yenɛ n yuun bo a nɔɔrɛ la ba sɔyaaba Aron se'em la.
20 Levidoma basɛba n wana: Amram dayɔa Subael la Subael dayɔa Yedeiah la 21 Arehabia dayɔkeema Isiah la 22 Izhar boraa Selomot dayɔa Yahat la 23 Hebron dayɔkeema Yeria tagalɛ Amaria tagalɛ Yahaziel tagalɛ Yekameam la 24 Uziel dayɔa Mikah la Mikah dayɔa Samir la 25 Mikah sɔɔn Isiah la Isiah dayɔa Zekaria la 26 Merari dayɔɔhe Mali la Musi la Yaazia dayɔa Beno la 27 Merari dayɔa Yaazia kɔma Beno la Soham la Zakur la Ibri la 28 Mali yizuo Eleazar n ka tara dayɔa la 29 Kis dayɔa Yerameel la 30 Musi dayɔɔhe Mali la Eder la Yerimot. Levidoma yizuto n bala. 31 Ba ŋmɛ' la gbaŋa loe ba, wo ba sɔɔnrɔ Aron yaahe daa yuun loe ba Naba David la Zadok la Ahimelek la yizuo keendoma la Levidoma zan'an nɛŋan la. Ba daa ete keema se'em la, ba ete yebega la bala.