2
1 Israel dayɔɔhe n wana: Areuben la Simeon la Levi la Yuda la Isakar la Zebulun la 2 Dan la Yosef la Benyamin la Naptali la Gad la Aser.3 Yuda dayɔɔhe dɛna Er la Onan la Sela. Ba batan' wa dela Kanaan teŋa pɔka Sua pɔyɔa kɔma. Te Yuda dayɔkeema wa Er dɛna nɛrebe'a te Na'ayenɛ nyɛ bala la ge ko' en. 4 Te Yuda sanpɔka Tamara dɔgɛ leeba, Perez la Zera, bo en. Yuda kɔma zan'an dela banuu. 5 Perez dayɔɔhe dela Hezron la Hamul. 6 Zera dayɔɔhe dela Zimri la Etan la Heman la Kalkol la Darda, bama banuu. 7 Karmi dayɔa kayema dela Akar,b n yuum gbirige Israel, tom be'em toolom lɔkɔ la zuo. 8 Etan dayɔa dela Azaria. 9 Hezron dayɔɔhe dela Yerameel la Aram la Kaleb.
10 Aram dɛna Aminadab sɔ, te Aminadab dɛna Nason sɔ n de Yuda yizuo zuodaana la poan la. 11 Nason dɛna Salma sɔ, Salma me dɛna Boaz sɔ. 12 Boaz dɛna Obed sɔ, te Obed dɛna Yesse sɔ. 13 Yesse dɔgɛ a dayɔa de'eŋa Eliab tagalɛ Abinadab la Simea la 14 Netanel la Aradai la 15 Ozem te David pa'ahɛ boyopɔe. 16 Ba tanpa dela Zeruiah la Abigail. Te Abisai la Yoab la Asahel ma dena Zeruiah. 17 Abigail sera dela Yeter Ismael nɛra te ba dɔgɛ Amasa.
18 Te Hezron dayɔa Kaleb dɔgɛ kɔma la a pɔga Azuba Yeriot. A dayɔɔhe dena Yeser la Sobab la Ardon. 19 Te Azuba wa ki', te Kaleb le di' Eprat te a dɔgɛ Hur. 20 Hur dela Uri sɔ, te Uri dela la Bezalel sɔ. 21 Hezron wa dɛna la yuum pihiyoobe ge di' Gilead sɔ Makir pɔyɔa te ba dɔgɛ Segub. 22 Segub dayɔa dena Yair n yuun sɔe teŋhe pihiyi' la setan' Gilead teŋa poan. 23 Ge Gesur la Aram to'e Havot Yair la Kenat teŋhe pihiyoobe. Ba zan'an dena Makir se'em n de Gilead sɔ yaahe. 24 De pooren te Hezron n ki' Kaleb Eprata poan, te a pɔga Abiya dɔgɛ Ashur n de Tekoa sɔ.
25 Hezron dayɔkeema Yerameel kɔma dɛna Aram la Buna la Oren la Ozem la Ahiya. 26 Atara me dela Yerameel pɔga ayema. Onam ma n bala. 27 Yerameel dayɔkeema Aram dayɔɔhe dɛna Maaz la Yamin la Eker. 28 Onam dayɔɔhe dɛna Samai la Yada. Samai dayɔɔhe dɛna Nadab la Abisur. 29 Abisur pɔga yu'urɛ daa de'a Abihail ge Aban la Molid de'a a kɔma, 30 Nadab dayɔɔhe dɛna Seled la Apaim, te Seled ki' ge ka bahɛ pooren. 31 Apaim dayɔa de'a Isi, te Isi dayɔa de'a Sesan, te Sesan dayɔa de'a Alai. 32 Samai sɔɔn Yada dayɔɔhe dɛna Yeter la Yonatan, te Yeter ki' ge me ka bahɛ pooren. 33 Yonatan dayɔɔhe dɛna Pelet la Zaza. Yerameel yaahe n de bana zan'an.
34 Sesan ka tara dayɔɔhe, ge pugunto ma'an. A tare la Mizraim yameŋa te a yu'urɛ daa dela Yarha. 35 Sesan lo'e a pugula ayema maale pɔgɔdire bo Yarha te a dɔgɛ Atai.
36 Atai dayɔa de'a Natan, te Natan dayɔa de'a Zabad. 37 Zabad dayɔa de'a Eplal, te Eplal dayɔa de'a Obed. 38 Obed dayɔa de'a Yehu, te Yehu dayɔa de'a Azaria. 39 Azaria dayɔa de'a Helez, te Helez dayɔa de'a Eleasa. 40 Eleasa dayɔa de'a Sismai, te Sismai dayɔa de'a Salum. 41 Salum dayɔa de'a Yekamia, te Yekamia dayɔa de'a Elisama.
42 Yerameel sɔɔn Kaleb wa dayɔɔhe dela a bikeema Mesa se'em n de Zip sɔ la Maresa se'em n de Hebron sɔ la. 43 Hebron dayɔɔhe me dela Kora la Tapua la Arekem la Sema. 44 Sema dayɔa de'a Araham, te Araham dayɔa de'a Yorkeam, te Arekem dayɔa de'a Samai. 45 Samai dayɔa de'a Maon, te Maon dayɔa de'a Bet Zur. 46 Kaleb pɔgɔbɔ'ɔreŋa Epah kɔma dɛna Haran la Moza la Gazez. Haran me segɛ a bia yu'urɛ Gazez. 47 Yadai dayɔɔhe de'a Aregem la Yotam la Gesan la Pelet la Epah la Saap. 48 Kaleb pɔgɔbɔ'ɔreŋa Maaka kɔma dɛna Seber la Tirhana. 49 A me dɔgɛ la boraahe seyi', Saap n de Madmana sɔ la Seva n de Makbena la Gibea sɔ. Te a pɔyɔa me de'a Aksa. 50 Kaleb tuunhom n wana. A pɔga Eprata dayɔdeeŋa Hur dayɔɔhe dɛna Sobal n de Kiriat Yearimdoma sɔ, la 51 Salma n de Betlehemdoma sɔ, la Harep n de Bet Gaderdoma sɔ. 52 Sobal Kiriat n de Kiriat Yearimdoma sɔ yaaŋa dela Haroe la Manahatdoma posoka la 53 Kiriat Yearim yizuo la. Bama dela Itdoma la Putdoma la Sumatdoma la Mizraimdoma. Zoratdoma la Estaoldoma dɛna ba yaahe. 54 Salma dayɔɔhe dela Betlehem la Netopadoma la Atrot Bet Yoab la Manahatdoma posoka la sɛba n de Zoridoma la 55 gɔŋgoloheba yizuto la me kɛn'ɛra Yabez teŋa: Tiratdoma la Simeatdoma la Sukatdoma. Yizuto bana zan'an dela Ken boraa Hamat yaahe. Ba zan'an yaaba dela Arekab.