Yuda yizuo la tɔntɛ
15
1 Yuda yizuo la tɔntɛ la te ba tɔnrɛ bo ba yire yire woo la beene tɛnregɛ sige ta paɛ la Edom sɔ'ɔlom tare ta paɛ Zin Pɔgɔtia la n boe kɔbega bɔba la poan ha. 2 Ba gɔbega nu'o beene mɛ pɔhɛ la nɔgbenɛ Yaarom Mɔgɔrɛ gɔbega nɔɔrɛn la 3 yakɛ zen'sɛka te ba yi'ira Naŋdunega Tɔlega la tare bala ta ta' Zin teŋa, zooe tole ta paɛ Kades Barnea, ze'ele bilam doohe Hezron zom Adar ŋmɛregɛ kaara yɛ'a Karka, 4 ze'ele bilam tole ta paɛ Azmon ta naɛ la Mizraim Kolaa la tare ta du' ko'kantɛ la nɔɔrɛn. Ba gɔbega bɔba beene n bala.5 Ba dapɔya bɔba beene me ze'ele la Yaarom Mɔgɔrɛ la beene ta paɛ Yordan Kolaa la nɔɔrɛn. Ba zuɔ bɔba beene la me pɔhɛ la ko'kantɛ la nɔɔrɛn n de Yordan nɔɔrɛn, 6 ze'ele bilam zom Bet Hogla zom paɛ Bet Arabah zuɔ bɔba ta paɛ zen'an te ba yi'ira Areuben Dayɔa Bohan Kugure la zen'an. 7 Beene la ze'ele la Akor Bɔn'ɔn la poan zom ta paɛ Debir teŋa ŋmɛregɛ dɔla zuɔ bɔba ta paɛ Gilgal, tɔɔra zen'sɛka te ba yi'ira Adumim Tɔlega la bɔna bɔka la gɔbega bɔba la, kelom tara bala doohe En Semes ko'om nɔgbɛma wa'ana yehe En Arogel teŋa. 8 Beene nya zom Ben Hinom Bɔn'ɔn la dɔla Yebusdoma teŋa Yerusalem la gɔbega bɔba zuluŋa, le ze'ele bilam doohe zom zoore la n lebehe Hinom Bɔn'ɔn nɛŋa tontɔɔ bɔba la n boe Arepaim teŋa zuɔ nu'o kenkɛleŋa ha. 9 Beene le ze'ele zoore la zuo tɔ la Neptoa bɔgɔhe ko'om la, wa'ana yehe teŋse'ehe n boe Epron Zoore zuo teŋhe la zulige sige Baala n de Kiriat Yearim teŋa, 10 nya ze'ele Baala teŋa la ŋmɛregɛ nɛŋa bɔba dɔla Seir Zoore la doohe Yearim Zoore la n de Kesalon Zoore tare bala sige ta paɛ Bet Semes yakɛ ta paɛ Timna. 11 La keŋɛ paɛ Ekron zuɔ bɔba zuluŋa la ŋmɛregɛ tɔ Sikeron teŋa tole ta paɛ Baala Zoore paɛ Yabneel nya ba'ahɛ ko'kantɛ la nɔɔrɛn.
12 Nɛŋa bɔba beene la me pɔhɛ la ko'kantɛ bɔn'ɔn la nɔɔrɛn. Beena se'a n beem Yuda nɛreba, ba yire yire la n bala.
13 Doohe la nɔse'ere te Na'ayenɛ daa bo Yosua la zuo, te Yosua bo Yepune dayɔa Kaleb sɔ'ɔlom Yuda teŋa poan. Teŋa la te a bo en dela Kiriat Arba n de Hebron. Arba dela Anak sɔyaaba. 14 Te Kaleb dige Anak dayɔɔhe setan' n bo Hebron teŋa poan. Ba dela Sesai la Ahiman la Talmai. Ba dela Anak yaahe. 15 A ze'ele bilam ta zabɛ la nɛresɛba n boe Debir teŋa poan. Teŋa la yu'urɛ yuun dɛna Kiriat Seper. 16 Te Kaleb yeti, N wan dekɛ n pɔyɔa Aksa bo boraa sɛka n zabɛ nyaŋɛ to'e Kiriat Seper teŋa wa. 17 Kaleb yebega Kenaz dayɔa Otniel n nyaŋɛ to'e teŋa la, te Kaleb dekɛ a pɔyɔa Aksa bo Otniel te a di ka.
18 Te pugula la paɛ ka sera zen'en yele en yeti, Yele n sɔ te ho bote la samanɛ. Te ka ze'ele boŋa zuo sige na, Kaleb soke ka yeti, Ho bote la bene? 19 Ka yele en yeti, Bo' mam sɛla ane soŋa, ho pon dekɛ mam bahɛ la pɔgɔtia poan, nya bo mam ko'om zen'an. Te Kaleb dekɛ ko'om zen'enhe la n boe saazuin la teŋeren bo ka.
20 Yuda yizuo la sɔ'ɔlom n wana te ba tɔnrɛ bo ba yire yire. 21 Yuda teŋse'ehe n boe gɔbega bɔba Negev la poan ha la pɔnra Edom beene la dela Kabzeel la Eder la Yagur la 22 Kina la Dimona la Adada la 23 Kedes la Hazor la Itnan la 24 Zip la Telem la Bealot la 25 Hazor Hadata la Keriot Hezron n de Hazor la 26 Amam la Sema la Molada la 27 Hazar Gada la Hesmon la Bet Pelet la 28 Hazar Sual la Beerseba la Biziotia la 29 Baala la Iim la Ezem la 30 Eltolad la Kesil la Horma la 31 Ziklag la Madmana la Sansana la 32 Lebaot la Silhim la Ain la Arimon. Teŋhe sena wa dela teŋkanra pihiyi' la sewae' la se teŋbibihe.
33 Teŋse'ehe n boe nɛŋa bɔba zɔya tilain la dela Estaol la Zora la Asna la 34 Zanoa la En Ganim la Tapua la Enam la 35 Yarmut la Adulam la Soko la Azeka la 36 Saaraim la Aditaim la Gederah bii Gederotaim. Teŋhe sena me dela teŋkanra pia la senaahe la se teŋbibihe.
37 Zenan la Hadasa la Migdal Gad la 38 Dilean la Mizpa la Yokteel la 39 Lakis la Bozkat la Eglon la 40 Kabon la Lamas la Kitlis la 41 Gederot la Bet Dagon la Naama la Makeda dela teŋkanra pia la seyoobe la se teŋbibihe.
42 Libna la Eter la Asan la 43 Ipta la Asna la Nezib la 44 Keila la Akzib la Maresa me dela teŋkanra awae' la se teŋbibihe.
45 Ekron sɔ'ɔlom la teŋbibihe n wana: 46 Ekron nɛŋa bɔba dela teŋse'ehe woo n boe Asdod teŋa poan la se teŋbibihe la 47 Asdod teŋa la ka sɔ'ɔlom la zan'an la Gaza la ka teŋbibihe zan'an tare ta paɛ Mizraim Kolaa la ko'kantɛ la beene.
48 Teŋse'ehe n yage zoore zuo me dela Samir la Yatir la Soko la 49 Dana la Kiriat Sana n de Debir la 50 Anab la Estemoh la Anim la 51 Gosen la Holon la Giloh. Teŋhe sena wa dela teŋkanra pia la kayena la se teŋbibihe.
52 Arab la Duma la Esan la 53 Yanim la Bet Tapua la Apeka la 54 Humta la Kiriat Arba n de Hebron la Zior dela teŋkanra awae' la se teŋbibihe.
55 Maon la Karmel la Zip la Yuta la 56 Yezreel la Yokdeam la Zanoa la 57 Kain la Gibea la Timna me dela teŋkanra pia la se teŋbibihe.
58 Halhul la Bet Zur la Gedor la 59 Maarat la Bet Anot la Eltekon me dela teŋkanra ayoobe la se teŋbibihe.
60 Kiriat Baal n de Kiriat Yearim la Araba me dela teŋkanra ayi' la se teŋbibihe.
61 Teŋse'ehe n boe pɔgɔtia poan la dela Bet Arabah la Midin la Sekaka la 62 Nibsan la Yaarom Teŋa la En Gedi. Teŋhe sena me dela teŋkanra ayoobe la se teŋbibihe.
63 Yudadoma ka nyaŋɛ dige Yebusdoma la n sɔe Yerusalem teŋa la. Te Yebusdoma wa kelom kɛn'ɛra bini la Yudadoma wa la zina.