Israeldoma la n doohe sarɔtɔ seto woo zuo n wana
33
1 Israeldoma la n doohe sarɔtɔ seto woo zuo n wana, ban ze'ele Mizraim teŋa yehe na la ba pɛɛntɛɛnreba, te Moses la Aron dɛna ba nɛŋadoma la. 2 Te Moses golehɛ ba kenɛ la pɔhega zen'enhe woo wo Na'ayenɛ n bo a nɔɔrɛ se'em la. Ba kenɛ la n wana, pɔhera ba pɔhega zen'enhe la. 3 Ba ze'ele la Arameses teŋa poan yehe yuunɛ pɔhega ŋmarega poan, ka dabeha pia la anuu daarɛ la. Dabaherɛ se'ere n tagalɛ Azootole dabaherɛ la, te Israeldoma la yehe la boraanɛ Mizraim teŋadoma ninin. 4 Se'em ma'an te Mizraimdoma yee ba kɔmdeena la te Na'ayenɛ ko la pin'an la. Na'ayenɛ dekɛ namehegɔ bahɛ ba baga la me zuo mɛ. 5 Te Israeldoma wa ze'ele Arameses teŋa, keŋɛ ta paɛ Sukot, tiihom bilam.6 Te ba ze'ele Sukot ta paɛ Etham teŋa n boe pɔgɔtia nɔɔrɛn la tiihom bilam. 7 Te ba ze'ele Etham lebe pooren ta paɛ Pi Hahirot n tɔ Baal Zepon teŋa la, tiihom Migdol teŋa nɛŋan. 8 Te ba ze'ele Migdol ta paɛ Pi Hahirot, doohe ko'kantɛ la poan tole ta kɛn' pɔgɔtia ha, keŋɛ Etham pɔgɔtia la poan dabeha atan', ta tiihom Mara teŋa. 9 Te ba ze'ele Mara ta paɛ Elim. Elim poan te ba nyɛ bɔgɔhe pia la seyi' la kpa'kpa' tiihe pihiyopɔe la, te ba tiihom bilam. 10 Te ba ze'ele Elim ta tiihom Mɔgɔ Mɔlega nɔɔrɛn. 11 Te ba ze'ele Mɔgɔ Mɔlega nɔɔrɛn ta tiihom Sin Pɔgɔtia la poan. 12 Te ba ze'ele Sin Pɔgɔtia la poan ta tiihom Dopka. 13 Te ba ze'ele Dopka ta tiihom Alus. 14 Te ba ze'ele Alus ta tiihom Arepidim, bilam te ko'om ka bɔna te Israeldoma wa wan nyu' la. 15 Te ba ze'ele Arepidim ta tiihom Sinai Pɔgɔtia poan.
16 Te ba ze'ele Sinai Pɔgɔtia la poan ta tiihom Kibrot Hataava. 17 Te ba ze'ele Kibrot Hataava ta tiihom Hazerot. 18 Te ba ze'ele Hazerot ta tiihom Aritma. 19 Te ba ze'ele Aritma ta tiihom Arimon Perez. 20 Te ba ze'ele Arimon Perez ta tiihom Libna. 21 Te ba ze'ele Libna ta tiihom Arisa. 22 Te ba ze'ele Arisa ta tiihom Kehelata. 23 Te ba ze'ele Kehelata ta tiihom Seper Zoore la tilin. 24 Te ba ze'ele Seper Zoore la tilin, ta tiihom Harada. 25 Te ba ze'ele Harada ta tiihom Makelot. 26 Te ba ze'ele Makelot ta tiihom Tahat. 27 Te ba ze'ele Tahat ta tiihom Tera. 28 Te ba ze'ele Tera ta tiihom Mitka. 29 Te ba ze'ele Mitka ta tiihom Hasmona. 30 Te ba ze'ele Hasmona ta tiihom Moserot. 31 Te ba ze'ele Moserot ta tiihom Bene Yakan. 32 Te ba ze'ele Bene Yakan ta tiihom Hor Hagidgad. 33 Te ba ze'ele Hori Hagidgad ta tiihom Yotbata. 34 Te ba ze'ele Yotbata ta tiihom Abrona. 35 Te ba ze'ele Abrona ta tiihom Ezion Geber. 36 Te ba ze'ele Ezion Geber ta tiihom Zin Pɔgɔtia n boe Kades la.
37 Te ba ze'ele Kades ta tiihom Hor Zoore la, Edom teŋa poan. 38 Te Aron n de malemadaana la zom Hor Zoore wa zuo, ta ki bilam ha wo Na'ayenɛ n bo nɔɔrɛ se'em la. Yuuma pihinaahe poan bala, pɔhera se'em ma'an te Israeldoma ze'ele Mizraim teŋa poan yehe na, ŋmarehe senuu pɔhega daarɛ la. 39 Aron dela yuuma kɔbega la yuuma pihiyi' la atan', ge zom Hor Zoore la zuo ta ki. 40 Te Arad teŋa naba n bɔna Kanaan teŋa Negev la poan, ge wom Israeldoma wa kenɛ la na yele.
41 Te ba ze'ele Hor Zoore la, ta tiihom Zalmona. 42 Te ba ze'ele Zalmona ta tiihom Punon. 43 Te ba ze'ele Punon ta tiihom Obot. 44 Te ba ze'ele Obot ta tiihom Iye Abarim, Moab teŋa poan. 45 Te ba ze'ele Iyim ta tiihom Dibon Gad. 46 Te ba ze'ele Dibon Gad ta tiihom Almon Diblataim. 47 Te ba ze'ele Almon Diblataim ta tiihom Abarim zooren, Nebo Zoore nɛŋan. 48 Te ba ze'ele Abiram zɔya la ta tiihom Moab sɛnka la poan Yordan Kolaa la yakenɛ ha, te Yeriko teŋa bɔna yakenɛ deyema ha. 49 Te ba tiihom Yordan nɔɔrɛn la, ze'ele Bet Yesimot ta paɛ Abel Sitim n boe Moab teŋa sɛnka poan la.
50 Te Na'ayenɛ tɔgɛ bo Moses Moab sɛnka la poan Yordan Kolaa la nɔɔrɛn te Yeriko teŋa bɔna yakenɛ deyema ha la, yeti, 51 Yele Israeldoma wa yeti, ya han yakɛ Yordan wa kɛn' Kanaan teŋa la poan, 52 ya dige ka poan nɛreba la zan'an, ge sagom ba kuga la te ba kaanbera la, la ba yelese'a te ba mɛ ze'ele kaanbera la, ge sagom ba baga kaanbegɔ zen'enhe n boe kuŋkuma zuto la zan'an. 53 Ge la ya soe zen'an la bɔna ka poan. Se'ere n sɔe la, mam n dekɛ teŋa la bo ya te ya sɔna te ka dɛna ya sɔ'ɔlom. 54 Ya ŋmɛ' gbaŋa ya yizuto la woo zuo, tɔnrɛ teŋa la bo ya mɛhe, bo ya sɛba n zo'e la zo'e, ge bo sɛba n pɔ'e la me pɔ'ɛ. Te kaŋa n nyɔkɛ zen'an bo se'em, a daana tɔntɛ n bala. Ya tɔnrɛ ka dɔla la ya yaabdoma yizuto la n zone se'em la. 55 Ge la han ta enŋɛ te ya ka dige teŋa la doma la zan'an ka poan, ge bahɛ ba te ba yee bini, ba sɛba n yee la wan lebege dibega sugura ya nini, dɛna gɔn'ɔhe lota ya, ba wan daana ya teŋsɛka te wan soe ka bɔna wa poan. 56 La kene na te mam n maahom te n eŋɛ ba se'em la, n wan tee dekɛ eŋɛ ya.