Pacuenia Dioso pijajiwitonë bejiobia-exanae-atatsi, tsiteca siwanajamatabëcuenecopatsijitsia Diosojawabelia
50
1-3 […] 4 Jehová petsipaebicueniatsi, Isaías wajunupaeba Israel-pijinë pemomoxijawabelia ponë Jehová itorobijitsia pijajiwitonëcuenia. Bajaraponë yabara jumaitsi mapacueniaje:—Jehová yapëtaeya-exanaena paliwaisi tsipaebijitsia ponë itorobijitsia pijajiwitonëcuenia pejamatabëcuenecueranaewijawabelia, pejamatabëcuene-asaëya-exanaenexa. Nexata, Jehová caebajayacunua canacujitsia pijajiwitonë yatixobabiabiana, xaniawaetsia penamuxuna-ewetabiabinexatsi paliwaisi jitsipa peyapëtaeya-exanaejawa. Bajaraxuata muxunanaëcotabiabianatsi, itsa yatixobabiabiana pejumetaenexatsi. 5 Wajatuxanenë Jehová pijaliwaisi xaniawaetsia yapëtaeya-exanaena, bajaraponë pejumeyapëtaenexa. Nexata, bajarapaliwaisi jumecowënëtabiabiana, bejiobia-exanae-atatsi bajarapaliwaisi yabara. Apo-ajamatabëcuenetaja tsane pejumecowënëtsinexa. Bajaraponëwecua aponajamatabëcuenepënëyorotsi tsane itsajawabelia. 6 Ponë Jehová itorobiana pijajiwitonëcuenia saya tonajumacaewetsianaa pamonae pejumaconitabiabiwitsi. Bajarapijinia pacuenia tonabëxëcaewetsiana pebëxëpina̱jonewitsi. Apowecuanamuxufetsi tsane pibisiacuenia pejumaitsijawatsi, bajarapijinia pacuenia pitabarasuababiabijawatsi. 7 Bajaraponë Wajatuxanenë Jehová peyawenonaexaetsi, pewajënaeyabelia ajamatabësaë tsane jiwi bejiobia-exanae-atatsi. Pacuenia piniji-ibotoxaneto ba-apotixitabuatsitsi, bajarapacuenia bajaraponë ajamatabëcuenetajaya jumecowënëtsiana Jehová. Bajaraxuata, aponayapijiwi-aura tsane —jai Isaías Jehová pijajiwitonë yabara. 8-11 […]
C51 […]