4
1-8 […] 9 Matatoxenetsia caejiwiyowecua cuenenamatamota anijajiwibeje, tsipaji anijajiwibeje penajuanacuenebijawatabeje nacueneyawenonabeje petopitsapaenexatsi pexaniacuenia xua nacuenebabeje. 10 Bajarapacuenia anijajiwiyobeje namutua penajetarucaejawatabeje, caejiwiyo itsa firapecaejitsipa, juya itsajiwi cobepitsipa pejopaejiwi, icatsia penonotapunaeya-exanaenexa. Bitso ayaicuenia bejiobi pajiwiyo pija-epato najetaruca, tsipaji pefirapanucaejawata apoxainae peyotsijiwinexatsi. 11 Bajarapacuenia-ata anijajiwiyobeje itsa najuamajitanucaejitsipabeje caejawata, namata-enetsia natajutanucaejitsipabeje pecainaejawata. Itsiata, caenë itsa majitanucaejitsipa pija-epato, ¿detsa pacuenia natajuaya-exanaejitsipa? 12 Bajarapacuenia caenë pija-epato penucaejawata, pijawajabitsaë bepijiayo cuene-amoneyabijitsipatsi. Juya, anijajiwibeje itsa nayanabanucaejitsipabeje, pijawajabitsaë cuenecaranatsipabeje pecuene-amoneyabiyaniwatsibeje. Pacuenia ayapëbeje bepijia waja-ucutsijawa acueyabi pamaëtobeje penajumaxuetsimaëtonë, bajarapijinia itsi acueyabi pajiwibeje penajamatabëcueneliwaisiyanabiwi, ayapëbeje bepijiayo pijawajabitsaë pecuenetsatsinexatsi.