25
11 Pacuenia bitso pexaniajawa, oronanitota jumapecataeya pexanaenaecuaito, pexaniapitanerubijawa palatananitota, bajarapijinia pacuenia bitso pexaniajawa wajanacamuxujiobijumeyo wajanamatawenonae-epatota.12 Pacuenia penatsimuxurubijawa, penawësicëtsijawanua pepopexania-oronanitota pexanaejawanë, bajarapijinia pacuenia penamuxuna-ewetsijiwiyo tsitatsi bitso pexanialiwaisi piasiwajawanexa papexaniacanaëjëtsiliwaisi muxujiobatsi pibisiacuene pexanaeyaniwa.
13 Pacuenia pecainaemera nacajamatabëcuenebarëyaya-exana waja-apaejawata piatajumatacabita, bajarapijinia pacuenia pajiwi pijatuxanenë xaniawaetsia jumewajunupaeba pejumaitsicuenia siwajamatabëcuenebarëyatsi.
14 Pacuenia bitso petsewimatacabita, itsa najetarucaejitsipa itarërëbo, jowibo yajawa, be-emacuenejawa. Itsiata itsa apojopae tsipae ema, jiwi jamatabëcuenenacuerotsipa. Bajarapajamatabëcuene-itsi pajiwi rajutsiapaebi-ata itsacuenejawa itsajiwijawabelia, itsiata itsa aporajutsi. Nexata, jamatabëcuenenacuerotsia-exana. 15-17 […]
18 Pacuenia pepacuene bijiapaetsipatsi jiwi wajaconitaxuabijawata sipalita, wajacacuatsijawata espadata, waja-upaxuabijawatanua piupisojaicuererebota, bajarapijinia pacuenia jamatabëcuenewajënë-exanatsi pajiwijawabelia baranajumetsënëtsiaya baracuaicuaijaitsi.
19 Pacuenia nacato-atane waja-awonobejejawa waja-ucubaxaenexa, pacuenianua nacato-atane waja-asibejejawa wajanucaenexa, bajarapijinia itsitsi penajumetsënëtabiabijiwi waja-itaxutuajamatejemajawata, bitso nacajamatabëcuenebëjaiya-exanabiaba.
20 Wajatonaxëanaejawa pemuxunabarëyawajianë pejamatabëjiobiwijawabelia, tsitatsi bajarapajiwi bewajajumajonotsijawa penaxatatsijawami pecainajebimatacabita, itsa jume, bewajawajënëquiatsijawa piajatuvinagrerata.
C25 […]