21
Jehová caëjëpatsi pepamene peponaeya-exanaenexa itsaxuayo jamatabëponaeya-exana. Bajarapijinia pacuenia, Jehová exanaeya-exana nacua-ewetsinëjawabelia, pejitsipaecuenia. 2-7 […]8 Pajiwi pibisiajamatabëcuene xaina, najamatabëcuene-itajëtabiaba pibisiacuene pexanabiabijawata. Pajiwi pijinia pexaniajamatabëcuene xaina, najamatabëcuene-itajëtabiaba pexaniacuene pexanabiabijawata. 9-24 […]
25 Piafaetabijiwi itajitsipae-ata daxitacuene pexainaejawa, itsiata pepopebejiobijiwi naexanaena, tsipaji apojitsipabiabi penacuenebijawa. 26 Bajarapajiwi daxitamatacabijebi bitso daxitacuene itajitsipaeya ponaponabiaba, pitsinejewa itsacuenejawa. Itsiata, pajiwi pexaniajamatabëcuenejiwi, xainabiaba perajutsijawanexa wecua-asiwanejewa itsamonaejawabelia.
27 Jehová bitso cuene-ataejitsibi pamonae pibisiajamatabëcueneyajawa, capata ofrenda perajutsinexa bajaraPonëjawabelia. Matatoxenetsia itoya bajaraxuanë tsipaji itsa jamatabëcueneyajawa capata.
28 Pajiwi wajunupaebabiaba jiwi pijaneconi yabara najumetsënëtsiaya, bajarapajiwi tocaëjëtatsi petëpaejawanexa. Pajiwi pijinia xaniajaiya wajunupaebabiaba jiwi pijaneconi yabara, tocopatabiabatsi pecuaicuaijaitsabiabinexa.
29 Pajiwi pibisiacuene exanaponapona, naitajëtabiaba jiwi pitabarata pibisiacuene apobepexanaejiwicuene. Pajiwi pijinia pexaniacuene exanaponapona, nacuenexaneta pibisiacuene pexanaejawami. Nexata, nacueneyapëtane pexaniacuene pexanaejawa.
30 Jiwi, xaniawaetsia pecanaëjëtsiwi-ata, bitso peyapëtaewi-ata, pexaniacuenia pemuxujiobiwi-atanua, apocuenecaëjëpaetsi Jehová pecuenecaranatsijawa xua siwanajamatabëcuenewereta pexanaenexa. 31 Bajaraxuata, wajabitsaë canaweretsi-ata pijacaballuanë penawajabitsaëtsiwajënaeya, itsiata Jehová ëpejamatabëcueneyawenonaewi, yawenonabiaba. Nexata, cuene-amoneyababiaba.