SALMO 121
Dioso wajanaca-ewetsijawa peliwaisi
1 Itsa naëcotsiajë ibotsutonëjawabetsia, jamatabë-itsinë: «¿Detsaeta werena patsiana taneyawenonaejawanexa? 2 Taneyawenonaejawanexa raja patsiana Jehovájawawetsica. BajaraPonë pexanaenë itaboxo, ira yajawa», jamatabëjanë.
3 Jehová apocacopatsi tsane nefirapanucaejawa. Peca-ewetsinë, Jehová, apomajitabiabi. 4 Xaniajanë. Israel-pijinë pemomoxi pewetsinë, apopitamajitsipanaenë. Apopemajitsinë cajena.
5 Jehová raja ca-ewetabiaba. Jehová raja pecayawenonaenexa, imoxoyo cawecuaponaponabiaba. 6 Nexata, matacabita, merawi-ata, bajaraPonë ca-ewetabiabiana.
7 Jehová ca-ewetsiana daxita piayaicuenewecua. Ca-ewetsiana pecabeyaxuabiyaniwa-ata. 8 Jehová ca-ewetsiana nenaropotsijawata, nenawiatsijawata-ata. BajaraPonë ca-ewetsiana daxitamatacabijawabelianexa.
C122—C126 […]