SALMO 100
Diosojawabelia jiwi pejamatabëcuenebarëyajawa peliwaisi
Mapasalmota jiwi pexaniajamatabëcuene perajutsinexa Diosojawabelia.
1 ¡Padaxitanacuapijiwimë, barëyaya patonaxëanare Jehová! 2 ¡Pijacuene barëyaya patonacuenebawanapare! BajaraPonë pijatemplobota itsa papatame, barëyaya patonaxëanaename.
3 ¡Pacanaëjëre Jehová pepoDiosonëcuene! BajaraPonë raja naca-exana. Waxaitsi raja wajacuata apona̱-exanaetsi. BajaraPonë naca-eweta, pacuenia oveja pexainaenë xaniawaetsia eweta pija-oveja.
4 ¡Paponare Jehová pijatemplobobaupajawaberena, panejonenexa bajarapatemplobo-ënëabelia! ¡Panejonejawata, pexaniajamatabëcuene parajure bajaraPonëjawabelia papecayawenonabiabixae, wajianë panenaxëanaejawata! ¡Pexaniacuenia pawënëxaniatsianame bajaraPonë ayaijamatabëcuenenë yabara! 5 Bajarapacuenia tonaxëanabiabianame, tsipaji Jehová raja bitso pexaniajamatabëcuenenë. Jiwi pitaxutotsoniataenë daxitamatacabijawabelianexa. Jiwijawabelia caejamatabëcuene pexainaenënua daxitamatacabijawabelianexa.
C101—C102 […]